香港仔一品魚蛋王

Open Now

Now Closed

之前聽人講係鑽石山站附近有一間食魚麵唔錯😏，小編今日放工就特登走去一試，雖然呢排天氣唔好又落雨☔，但都無阻小編我一嘗美食嘅心態🙌。去到位於大有街萬迪廣場，已經係正門易見餐廳位置，一望上一樓已經見到👀，上咗一樓之後轉左就係喇。🎈牛腩魚麵套餐 + 紫菜 $54見到餐牌上面有好多套餐，每樣都想試下🤤，不過我今日嚟就係為咗食魚麵🐟，就不如嗌個魚麵套餐啦。食物款式都有好多選擇📜，但牛腩配魚麵係最正，諗都唔諗就圈咗⚪。碗麵嚟到，我畀啲牛腩吸引住咗✨，牛腩嘅紋理同脂肪比例啱啱好，落食唔韌又軟熟，相當好食👍。魚麵粗身好似烏冬咁粗，就多咗份魚肉嘅質感同魚鮮🧐，湯底加上紫菜，又香又清甜，好好味🤩。今日特登嚟到係無走寶呀，位置唔難搵🌐，而且餐廳位置靠近商廈，應該大受歡迎🤔。另外餐廳仲即場提供火鍋生料🥩，例如魚蛋、牛丸等等。如果大家經過不如都試下餐廳嘅牛腩同魚麵啦，唔係間間餐廳都有魚麵食架💯。