大滿足 (Closed)

小編又嚟到葵涌廣場搵嘢食喇，呢到簡直係美食天地🍽，上一次係屯門食咗壽司之後，好想再食一次🍣。今次就唔走咁遠喇，嚟到葵芳就係葵涌廣場嘅《大滿足》到嗌個外賣🥡。呢個餐廳入面就立食，唔洗座位，而且望落餐牌又好多款式畀你揀📋，尤其係玉子燒同反卷🍙，既然係咁就嗌呢兩款啦✌。🎈明太子玉子燒 $30玉子燒上面有蟹籽、紫菜同木魚絲，配料十分豐富🍥，而且玉子燒好大份。入面包住好多栗米，蛋入面唔乾身，用筷子一夾就流出蛋汁🥢，再加玉子燒面上啲配料層次同口感大大增加🤤。小編每一啖都食到厚厚嘅玉子燒👅，又多汁，栗米同配料都令食感大增。🎈火炙芝士原隻軟殼蟹反卷(六件) $30六塊軟殼蟹反卷🍣，上面舖滿芝士同蟹籽🧀，軟殼蟹脆身🦀，反卷大小啱啱好，性價比好高，30蚊價錢💵 ，每件都係3個幾蚊，真係好抵食。呢間餐廳位置人流多，都好容易搵到🌎。雖然係葵涌廣場食壽司嘅餐廳都好多，不過《大滿足》有嘅仲有好多手卷以外美食👍，值得再次一試。