慢煮工業 (Closed)

聽朋友講係太子有一間性價比好高嘅西餐廳，既然係為食嘅我哋就一於去試下啦。好彩我哋一早已經book咗檯，因為真係多人到好排隊等位呀😩，入面嘅格局我好鍾意，燈光，布置，裝飾都好靚，幾舒服，而且原來餐廳有二樓架，今次我就無機會上二樓影相畀大家睇喇😎。🎈燒燻豬仔骨🐖 $78因為聽朋友講餐廳最出名係食牛，不過可惜想揀嗰個款賣哂，只好試下佢嘅豬仔骨啦，真係估唔到係可以咁軟熟，份量係四排骨，兩人食都足夠，而且肉身比較啱啱好，亦都幾鍾意醬汁燒汁味道，大力推介💪。🎈炒雜蘑菇🍄 $28超強烈黑松露味，炒雜菇一啲都唔乾身，而且應該有少少牛油係入面💋，感覺幾香而且又滑身。🎈黑松露煙肉火箭菜蛋薄餅🍕 $108薄餅係極力推介之選，雖然份量唔小，但真係好食到想嗌多個薄餅食呀🤩。薄餅上面有嘅料配已經係菜名提哂，平均分布哂係面上，薄餅嘅底仲係好脆，好香口。中間位置仲有隻蛋，亦係呢個薄餅最精華位置✨，好食到用唔到字嚟形容，大家絕對要親身嚟試下，包無嚟錯🔥。由店面、食物、嘢飲都唔係到處都搵到食到，好獨有風格，而且價錢都好合理，大眾都願意接受嘅範圍嚟，我諗唔到唔再嚟嘅原因。