海潮食堂

Open Now

Now Closed

🎈牛腩蝦條煎米粉 $53喺炒米粉上面有個笑哈哈，真係會忍唔住影張相打卡先📸。米粉旁有兩件炸蝦條，仲有牛腩、蘿蔔、少量牛根。味道唔咸，少辣，幾惹味。將牛腩汁撈埋啲炒米粉食😉，米粉香脆配埋夠哂淋嘅牛腩牛筋一齊食，正。✦✦✦✦✦✦✦✦✦✦✦✦✦✦🎈蔥花蛋治烘底 $27非常多蔥花，所以蔥味好突出，蛋夠滑，再以烘底三文治🥪，非常脆。 厚身又大份，一份有兩大件，午餐輕食之選🍽。如果頂唔順蔥味既朋友就唔好試呀。✦✦✦✦✦✦✦✦✦✦✦✦✦✦餐廳位於工業區中心，而且位置較近車站，生意都幾旺。員工亦都好好客🥰，比人感覺好有親切感，而且煎米粉上面有笑哈哈😊，好似同你打氣咁，非常窩心。餐廳既款式唔係周圍都見，可以話係獨有。舊式餐廳非常懷舊，諗起小時候去過既餐廳，呢啲水準只有老店先有。