Video
Read full review
2015-07-23
1033 views
朋友聚會，大家都喺度討論緊有啲咩性比價高嘅餐廳，佢哋知我平時有留意開食肆，所以叫我介紹，唯一指引係中環地點，因為中環可以遷就大部分返工嘅朋友，咁我左諗右諗，就決定SOHO呢一間，價錢相宜，食物質素又好，環境唔錯又有兩層，非常之穩陣。點店內的環境唔錯，掛畫非常之有特色。一坐低店員的服務態度非常之好，即刻倒水同埋遞上兩個熱辣辣嘅餐包。餐牌望咗一陣，除咗個海鮮大雜薈既魚我極力推介朋友一定要食之外，其他嘅Menu我地就各自揀咗一啲心水既試下。Spinach Scallop Gratin HK 138帶子菠菜沙律呢個帶子沙律賣相非常靚，最吸引人嘅地方就有原片嘅松露，松露醬嘅美食食得多，但係可以食原片嘅真係少之又少，可見廚師非常落重本，中間嘅帶子略為煎香兩邊，可以食到帶子嘅鮮甜，不用全刺生係一個聰明嘅做法，因為我認為全刺身，會同其他熟咗嘅材料味道格格不入。個黃色嘅汁，初初以為係布甸或者蛋糕之類，原來係意大利芝士黎架，呢個意大利芝士有加左啲雞蛋，所以唔算太杰，有淡淡既芝士香味，又唔會掩蓋其他食材，整個頭盤係清新而有特色嘅，成日頭盤都叫沙律，有時都想轉下口味。由於芝士汁太好味啦我用來．我叫左兩個餐包將
朋友聚會，大家都喺度討論緊有啲咩性比價高嘅餐廳，佢哋知我平時有留意開食肆，所以叫我介紹，唯一指引係中環地點，因為中環可以遷就大部分返工嘅朋友，咁我左諗右諗，就決定SOHO呢一間，價錢相宜，食物質素又好，環境唔錯又有兩層，非常之穩陣。
點店內的環境唔錯，掛畫非常之有特色。一坐低店員的服務態度非常之好，即刻倒水同埋遞上兩個熱辣辣嘅餐包。
餐牌望咗一陣，除咗個海鮮大雜薈既魚我極力推介朋友一定要食之外，其他嘅Menu我地就各自揀咗一啲心水既試下。
Spinach Scallop Gratin HK 138
帶子菠菜沙律
呢個帶子沙律賣相非常靚，最吸引人嘅地方就有原片嘅松露，松露醬嘅美食食得多，但係可以食原片嘅真係少之又少，可見廚師非常落重本，中間嘅帶子略為煎香兩邊，可以食到帶子嘅鮮甜，不用全刺生係一個聰明嘅做法，因為我認為全刺身，會同其他熟咗嘅材料味道格格不入。
個黃色嘅汁，初初以為係布甸或者蛋糕之類，原來係意大利芝士黎架，呢個意大利芝士有加左啲雞蛋，所以唔算太杰，有淡淡既芝士香味，又唔會掩蓋其他食材，整個頭盤係清新而有特色嘅，成日頭盤都叫沙律，有時都想轉下口味。由於芝士汁太好味啦我用來．我叫左兩個餐包將佢沾完才收手。
海鮮大雜燴就係今晚我等左好耐既主角，好心急想食既一道菜。係記得上次食呢條魚嘅魚湯非常鮮甜，所以今次係條魚未上場之前我已經不停咁向朋友吹誇個大雜薈有幾咁好食。
Market Fish in Bouillabaisse HK 328
主角出場啦，朋友見到條新鮮魚原條上，果然即刻攞起手機係甘影，呢條魚係用咗新鮮嘅班與吊桶，蜆，青口等一齊燴，個湯底好濃，又有龍蝦味，但係奇就奇在湯裡搵唔到有鮮蝦，所以忍唔住問店員，龍蝦味係邊度黎？佢話俾我哋聽其實係條魚已預先塗左龍蝦糕，湯底也加入龍蝦湯，務求令海鮮嘅鮮味更突出同濃郁，嘩，才賣328元甘重本？？
食嘅時候我哋將魚皮掀起，就見到雪白嘅魚肉，魚肉是爽口彈既，斑魚既特色就係魚個肉質唔會霉霉爛爛，雪白雪白既魚肉直接食已經好鮮活，我當然係點濃湯一齊食啦。
最後我哋食得乾乾淨淨，湯都幾乎飲晒，呢個海鮮大雜燴兩個人食真係非常之滿足，當然如果多人食嘅話一條四個人分，仲可以叫多幾個餸。
經理見到我哋食得津津有味，問我地好唔好食？我哋兩個異口同聲大贊好食，佢同我地講仲有個luxury 版既海鮮大雜燴，可供預定。我哋問佢luxury 版係點樣？經理話如果我哋預訂嘅話，可以揀唔同嘅魚例如龍躉，仲可以指定要加龍蝦大蝦或者大蟹等任何鍾意嘅食材。聽上去真係非常之吸引，我地計劃左下一次黎叫多啲人一齊食飯，甘就可以擦一個luxury既海鮮大雜燴。
甜品- Caramelised Apple Tarte Tatin HK 60
呢個蘋果都係非常之讚既餐後甜品，賣相靚唔在講，初初上桌我仲覺得佢有啲似蜜桃。
蘋果有天然果糖嘅味道，與香料一齊煮過，有點兒苦，不過加埋個甜甜雪糕就平衡左兩者，所以我都係將溶咗嘅雪糕淋上蘋果一齊食。
老實講呢度嘅法國餐真係好抵食，法國餐係香港一般都係fine dining, 難得呢個做得有點兒似家庭式可以一齊share, 份量又足夠同享。下次大家來soho不妨試吓。個海鮮大雜燴一定要食！
Post
