Video
Read full review
2016-09-06
1484 views
由於兒子在外地公幹未返，所以這晚兩口子就決定躲懶，一於外出覓食。其實早排已經在食評網留意到天后開咗間酒吧餐廳，店子名字叫《Drunkerland》，筆者雖然不好杯中物，但亦不得不承認，偶爾淺嘗的確是件賞心樂事，加上知道店裡有唔少佐酒小食和串燒等供應，所以就趁這天 Monday Blue，兩口子來 Hea 吓，順便飲返杯，將日間煩悶的工作一口氣乾咗佢！餐廳位於銀幕街，如果由英皇道琉璃街入，第一個路口轉右就會見到。舖面地方不大，甫踏進門口已一眼見曬。細心一數，原來只有 24 個座位，不過就勝在通道夠寬敞，而且設計舒適自在，加上靠牆位置擺放了一列長梳化，令人感覺 Relax。入座後，還沒來得及細閱餐廳的 Drink Menu，店員已率先送上佐酒花生 (每位 $20)，接著推介店子自家精釀嘅手工啤香港赤柱 ($60)，即管試試。先呷一口，雪至冰凍的「香港赤柱」，口感果然不俗，質地滑溜不澀，帶豐厚麥香，而且放暖咗也不會有雜味，適合任何愛酒人士。由於兩口子都不太勝酒力，只能淺嘗，所以另一款飲品就選了這杯以熱情果果蓉、菠蘿汁及七喜等炮製而成的 Easy Day Mocktail ($55)，味道唔錯
由於兒子在外地公幹未返，所以這晚兩口子就決定躲懶，一於外出覓食。其實早排已經在食評網留意到天后開咗間酒吧餐廳，店子名字叫《Drunkerland》，筆者雖然不好杯中物，但亦不得不承認，偶爾淺嘗的確是件賞心樂事，加上知道店裡有唔少佐酒小食和串燒等供應，所以就趁這天 Monday Blue，兩口子來 Hea 吓，順便飲返杯，將日間煩悶的工作一口氣乾咗佢！
餐廳位於銀幕街，如果由英皇道琉璃街入，第一個路口轉右就會見到。舖面地方不大，甫踏進門口已一眼見曬。細心一數，原來只有 24 個座位，不過就勝在通道夠寬敞，而且設計舒適自在，加上靠牆位置擺放了一列長梳化，令人感覺 Relax。
入座後，還沒來得及細閱餐廳的 Drink Menu，店員已率先送上佐酒花生 (每位 $20)，接著推介店子自家精釀嘅手工啤香港赤柱 ($60)，即管試試。先呷一口，雪至冰凍的「香港赤柱」，口感果然不俗，質地滑溜不澀，帶豐厚麥香，而且放暖咗也不會有雜味，適合任何愛酒人士。
由於兩口子都不太勝酒力，只能淺嘗，所以另一款飲品就選了這杯以熱情果果蓉、菠蘿汁及七喜等炮製而成的 Easy Day Mocktail ($55)，味道唔錯，酸酸甜甜，而且自然得來又夠清新甜美，好啱女仔飲！
至於食物方面，以一間小酒吧來說，其實這裡嘅選擇也不算少，除了有佐酒小食、數十款串燒、薯條、雞中翼及主食外、竟然還有薄餅、意粉等供應。吃主菜前，就一於先點兩客串燒過吓口癮。首先出場的雞脾菇 ($20)，入口軟滑多汁，而且燒過後，菇味非常香濃，加上雞脾菇本身又有點咬口，原汁原味吃，十分討好。緊接的露筍 ($28)，講真，食材本身已經夠曬新鮮幼嫰，經輕燒後，吃起來更覺爽脆嫩甜，很不錯。
筆者向來是個愛魚之人，所以主食方面，本來想先點客鹽燒馬友一夜乾，可惜這晚缺貨，見另一款過橋抽板豬手 ($198)，菜餚名字既搞鬼又抵死，決定一試。由於成品是即叫即燒，所以店員說要等大約 15 分鐘。隻豬手端上後，一看，嘩，分量果然絕不欺場，連伴吃的薯條都非常之大堆頭，立即執起一條往嘴裡送，入口外脆內粉糯，而且薯味十足，用來蘸點茄汁吃，美味無比。
接著當然是輪到品嘗香噴噴嘅豬手，廚師非常細心，已經將豬手切成一件件，方便食用。馬上叉起一試，外皮烤得金黃焦脆，咬下肉質鬆化腍滑，入口啖啖肉，而且皮與肉之間更帶點膠質，口感極佳，雖然沒伴上去膩的酸椰菜，但吃起來完全沒過油或過鹹現象，實在令人回味。
至於另一客主菜就點了這款經典英國菜威靈頓酥皮牛柳 ($178)，雖然成品只是以酥皮包著牛柳去焗，看似簡單，但原來據說烹調難度頗高，因為既要顧及酥皮的鬆化，又要控制牛柳的生熟程度，絕對考驗廚師的火候。幸而這道酥皮牛柳，做得有板有眼，味道的確不俗，面層的酥皮既香脆又完整，入口帶牛油香；而入面的牛柳肉亦焗得剛好，不但肉汁豐富，吃起來更軟腍嫩滑，實在值得一讚！
聽到鄰桌食客大讚店裡的 Carbonara 香口惹味，雖然已經有點飽，但饞嘴的我，決定再加點一客煙肉蛋汁意粉 ($98) 試試看。碟意粉上桌時見面頭並沒有打上雞，原來據說蛋汁已經拌勻入內。立即一試，意粉煙韌富咬口，而且每條都緊緊掛上蛋汁，啖落香滑，加上吃起來唔會又腍又糊口，亦唔會黏成一餅，口感絕不遜於手製意粉。而老公就讚煙肉不但焗得夠香口，而且鹹度適中，拌以洋蔥和蘑菇，絕對是水準之作！其實對店裡的佐酒小吃很感興趣，可惜這晚實在太飽，下次一於拖行馬來再食過。
Post
