隨便坐Cafe (Closed)

馬鞍山呢個美食沙漠近年進駐左好多連鎖食店 有心既小店碩果僅存 呢間就係其中一間啦😋 日式蛋包飯入面既炒飯落左午餐肉黑椒 味道同濕度啱啱好 粒粒分明 淋係面既蕃茄醬🍅有濃烈既香草味 令成個飯生色不少~仲有一點值得讚既係佢拌碟既蔬菜唔係白烚既西蘭花 而係加左黑醋同蜜糖既沙律菜不足之處就係蛋皮唔夠嫩滑椰香咖喱雞球飯亦係呢到既招牌菜之一 咖喱既椰香味真係好香濃😍甜甜地 一d都唔辣~煎香左既雞球內裏亦好嫩滑 份量又多 好似食極都有~ 不過d飯好冧 落得太多水煮 再加埋咖喱汁仲冧d 呢點要改善