新東王 (Closed)

裝修過後的新東王，雖然舖頭牌匾仲係寫新東王，但從外觀上，望落基本上同新餐廳冇分別馬鞍山作為美食沙漠，新東王俾馬鞍山人嘅印象係沙漠中的清泉，但此光景似乎不再今次試咗4樣食物：牛肉麵，麻醬雞絲拌麵，豆漿珍珠，同以前嘅名物芋圓牛肉麵嘅牛肉，由以前嘅牛肋條，變成烹煮難度低極多嘅牛展。見到之後，基本上已經唔求牛肉有香濃肉味。再者，湯底係非常唔台式嘅青紅蘿蔔湯味，令我諗起以前旺角區有間話自己好難食嘅牛肉麵，但比嗰間餐廳整得更差更難食麻醬雞絲拌麵，因為冇湯，所以更講求麵質，亦更突顯麵質之差：基本上一夾即斷，而且毫無麵的咬口，非常的差豆漿珍珠，豆漿嘅味道基本上係超市貨色，珍珠就一pat pat，而且毫無味道杯上的「豬頭」字樣亦似乎話緊我知呢間唔再係以前嗰間，珍珠係Q彈同濃濃黑糖味嘅新東王芋圓，睇相都知中伏同以前粒粒都有淡淡紫薯，蕃薯，芋頭味嘅芋圓，呢碗嘅芋圓就只係3隻色嘅粉團仲有，粉團咬落有怪味，中間亦有明顯粉狀質感，似乎廚師連煮透一樣食物都唔太識總括而言，唔好晒錢入去試，伏嚟