鵬達美食

Open Now

Now Closed

自從轉左去屯門南豐工業城做嘢，就覺得原來早餐店係咁重要，皆因果邊真係無乜餐廳，得兩間茶記，其中一間係開工第一日食完後就無再食，因為果日嗌左個叉燒炒蛋，而個叉燒是變左味！係行去公司途中發現左鵬達，門口細細，無乜招牌，一入去就發現坐滿人，睇黎都唔會中伏。炸魚達人見到有炸魚餐對眼即刻閃閃發光！叫左個炸魚、太陽蛋、多士凍咖啡外賣。行翻公司都有段路程，大約15分鐘，返到去梗係嗱嗱臨拆黎食啦！估唔到個炸魚仲係脆皮喎！size可能細左啲，但味道正常無怪味，蛋都是正常，已經好感恩！咖啡可能甜左少少，下次少甜就very perfect啦！