居食屋「和民」 (Closed)

週末周圍走🤪今次去到馬鞍山同👦🏻食吓野，咁啱行過和民就決定入去試下😗，假期冇咩人，裝潢都似日本🇯🇵食肆，坐得好舒服👍🏻因為當日係假期，所以冇午市套餐。首先，我地點咗牛肉鍋燒烏冬，職員會問你想自己燒定廚房預先整好，既然唔係好趕時間，我地就決定自己燒，呢個食法都幾特別，好似打邊爐咁，而跟鍋會有一隻蛋比我地自己打👍🏻燒咗一陣，再加埋隻蛋，賣相極吸引，非常香口，濃湯配烏冬💯每餐都無飯不歡😂揀咗個北海道十勝豚肉盒子飯，價錢有啲貴($78)，份量比想像中少，賣相亦冇餐牌咁好，好彩豚肉夠稔，啲汁送飯一流，不過有少少芥末，唔太推薦比唔中意芥末醬嘅大家，整體來說價錢有點不值。好大食嘅我地再嗌咗一個風味相撲雞肉鍋，細size只係$48，兩個人share好抵食，雞好滑，其他材料都好多(肉丸、豆腐、娃娃菜、芽菜、菇)夠哂大份😆