居食屋「和民」 (Closed)

一直都覺得和民好食但作為學生會認為價錢比較貴自從有學生餐之後 就覺得抵好多！！今日午餐一於食番個平靚正既🔺石鍋泡菜飯新鮮熱辣出爐有蛋、菜、香菇、牛肉etc做配料飯粒粒分明 好有口感辣醬係另上既食客可以因應自己接受辣既程度而添加辣醬攪拌一齊食別有一番風味👍🏻石鍋外用左個四方木盒裝住咁就吾怕食客燙傷手 真係夠貼心👍🏻個飯食到最後鍋底有少少飯焦都好好食架☺️

原本諗住食第二間餐廳，後尾發現原來新港城係有和民的，結果就選擇了去和民進膳了！假期晚飯時段不少餐廳都要等位，不過和民係最值得等嘅！除左因爲佢等嘅時間唔算耐之外，就係佢一定會畀張較舒適都好嘅位置你！等左一陣就有枱了，果然不負所望！畀左一張在角落位置的大卡位，男友先生表示很滿意！叫左個二人餐，野食都幾多！又有前菜、又有沙律、又有野飲、鍋物同主食等，價錢ok啦，二人餐$28X，由於有和民卡嘅關係仲有折，二人餐價錢係收$275，加埋一就$302，人均約$150，呢餐食得好滿意！

好似好耐冇食過和民啦👋🏻👋🏻👋🏻好彩等位唔算好耐👍🏻👍🏻👍🏻安排咗個好闊嘅卡位俾我同朋友👌🏻👌🏻👌🏻有位放袋 坐得好舒服～～～叫咗個石頭鍋飯😋😋😋🔸和民石鍋泡菜飯 $69好細心 熱鍋外有個木盒裝住我咁論盡都唔會辣親手👋🏻！啖啖飯都熱辣辣👍🏻👍🏻👍🏻飯撈上佢個韓式辣醬好好味😋但唔會好辣食到落底可以食到香脆嘅飯焦👍🏻👍🏻👍🏻抵食～～～～

每次來和民都是令人滿足的一餐，今次少少地叫左個肉烏冬，質地好彈牙，牛肉不算多，薄片，清清地幾好味。湯底不會太咸或濃，是健康清淡之選，份量夠一人食。鐵板肉片炒野菜，個碟好細不過廚師好叻，堆得好高，所以其實都幾多。好味又好香，稍為多油。不過呢個煮法實在難免會多油，因為咁先好食。呢的係店內唯一熱食的菜。軟殻蟹壽司卷，好大條而且好脆，美味的壽司卷略嫌包得不夠實，一夾起來就有點散，什至甩曬岀來，的確令人有點失望。味道如一，好吃，不過可以再進一步。

滑蛋豬扒盒飯: 豬扒份量有點兒少，只有3/4舊。雖然係炸豬扒，但係外邊一啲都唔脆味道普普通通，不過不失，但係舊豬扒就差左少少。燒魷魚: 味道幾好，上菜時仲係熱嘅，仲好有咬口。雖然係燒魷魚，但係唔會太乾身，亦都有少少汁係底佢本身有啲沙律醬，但係我比較鍾意就咁食，不加調味料。如果佢個醬汁可以分開擺就更加好，而唔係直接放左係魷魚身上。牛肉鍋: 依樣野好難中伏味道同出邊差唔多啦。不過帶到叫咗二人份量，都係覺得唔算好大。最鍾意一定係食隻蛋。軟殼蟹卷: 本身就帶有期望去食嘅，因為都好鍾意食軟殼蟹。點知其實食落去都冇乜味，啲醬汁加埋軟殼蟹嘅配搭有啲奇怪，可以唔使食。

呢日夜晚想食日本野，而馬鞍山呢個美食沙漠真係無乜好揀，所以揀咗食和民🍣🍣今期主打鰻魚，所以揀咗一個鰻魚牛肉盒子飯🍱牛肉同鰻魚舖滿飯上面，下層係飯，飯唔算好多，亦都夠鰻魚汁，所以都好味😋另外揀咗一個豪華刺身盛合，店員話全線停吞拿魚，會用三文魚補上，對於三文魚愛好者既我覺得非常好，但如果睇反食物單價，吞拿魚係貴過三文魚，所以都算有d蝕🙊最後滑蛋鰻魚豆腐鍋，呢道菜好好食！😋😋😋呢3樣加埋一齊食有好滿足既感覺，豆腐同蛋都好滑，好好味！

今日早左收工，有點肚餓了非繁忙時間唔使排隊，實在太好了！最中意就係食壽司🍣好耐都無去和民食啦叫左幾款食，例如有和牛壽司，三文魚腩壽司，芒果蟹子壽司🍣不過芒果🥭有點酸味道真係一流，好新鮮，正啊！話咁快食幾舊已經差不多飽了！見到d甜品又忍唔住先叫，女人係有多一個胃口食甜品㗎！哈哈，我承應我係一個綠茶控🍵所以特別叫了2款我都好想試的甜品～一個紅豆湯圓綠茶雪糕，另一個係燕麥紅豆綠茶脆脆，2個都超好味，真係好正！成完甜品成個人都開心極了😄

周日中午，見有耐冇去過和民，行到去咁O岩又冇咩人等，所以就2個人入左去食。晚餐之前食過4人套餐，都幾好所以今次中午試下散叫。兩個人坐卡位，好好坐，個位好大好寬闊，環境係比較黑D，可能是想有D格調的關係吧。餐牌好大個好靚，相片都好吸引，D相影得好靚，所以今次就睇相選了3個食物。加州卷有幾層牛油果，賣相好靚，同相片一樣，而且好好味。牛油果好薄片，師傅真係好好技巧。飯團都好大舊，每人食3件都好飽。日式PIZZA，好薄不過芝士味好香，新鮮出爐都好好食，不過如果人多既，可能就要叫多一兩個先夠食。沙律都是一大亮點，好大盤而且好多新鮮的菜，2個人食真係好夠。另外都有好多海鮮，這又是意想不到的，令人SURPRISE的菜式。呢個餐牌真係整的好吸引，下次都會來食下其他卷物先得~$68的沙律物有所值

今日放假入咗馬鞍山搵朋友聚聚，想搵一間坐得舒服又坐得耐少少既餐廳，就㨂咗有卡位既和民。和民平時通常都係食晚餐，午餐真係比較少食。午餐有不同選擇，有飯/麵/鍋/石頭飯等。雞，豚肉天婦羅丼定食$68賣相唔錯，有沙律，麵豉湯，日式蒸蛋，天婦羅雞及豚肉飯及餐飲。蒸蛋好食，蛋夠滑漏。沙律同湯都正常無特別。但天婦羅就唔好食，炸得好厚粉，粉漿成吋厚👎🏻追加一款迷你牛肉丼$28呢個就抵食，份量都唔少，牛肉夠腍同多汁。滑蛋豬柳鍋定食$68套餐有麵豉湯，沙律，滑蛋豬柳鍋，白飯，熱柚子蜜。呢個味道正常，份量都夠大。

上菜慢，態度差到核爆！入到明明多位揀，又死唔俾我坐卡位，落單成半個鐘先上菜，唔催唔俾，經理仲衰，話人多！poor!!! 去元氣好過，諗住初一開開心心食返餐都唔得。

我唔敢相信居然一碗68元的咖哩烏冬居然可以細韌到無人有味道重要普普通通 肉都唔多幾塊真係伏到爆炸 勁垃圾68蚊我可以去丸龜食大D的一碗再加一兩條肉串同埋杯汽水重要加一廢到笑

落樓周圍都冇位，去和民即刻有位，當然選擇入去啦。環境不錯，燈光調較比較暗，好似幾有氣氛咁。由於不太餓，所以只点了少少菜，先來个蘑菇 pizza，薄皮带少少烤燶咗嘅边，反而覺得脆口，配上蘑菇、洋蔥，味道算唔錯，我比較喜歡多芝士，呢方面对我來說，就差少少啦。加多个牛肉 壽喜燒，有牛肉之外，還有豆腐、冬菇、大蔥、秀珍菇做配菜，再追加一個麵底，滾下滾下呢食都幾好，少少哋，一人份量，不錯。再叫兩个小食，玉子和煎餃子，這兩款就正常味道啦。2個主菜加2個小食350蚊，以晚餐嚟計，可接受價錢。環境清靜，同朋友去食個飯，傾下計，都係選擇之一。

呢間日式居酒屋係新港城入面，近馬鐵站係個幾方便既地方，人流方面唔係非常多，等一陣就有位，幾好，因為兩老一般都唔習慣等好耐。餐廳裡面有卡位，一家人四個坐係卡位食飯既感覺唔錯。叫左個四人套餐，有前菜有主食兩個有鍋，另外仲有幾塊刺身。飲品都有幾杯，正ga。主食叫左一個飯同一個拉麵，鍋係海鮮鍋，一家人四個，夠食，款式又多，大家可以試試。呢間店野食來既速度都唔係好耐。有一個小問題就係坐係入面電話訊號好似唔係幾好，用csl，cmhk都得一格，4G跳左落3G，咁樣。。大家可以專心食飯

曾經紅極一時嘅和民，而家連美食沙漠馬鞍山嘅lunch hour 都唔full。不過唔full 咪唔洗等lor！十幾個同事一齊食lunch，食和民啦！推介lunch 火鍋，$8X左右，女仔夠飽。星期一至五指定午餐都唔錯，有maincourse+飯+沙律+麵豉湯+茶碗蒸+飲品 $68! 味道不過不失，但勝在夠飽，價錢都合理。天婦羅個樣好似好脆，但咬落唔脆，伏星期六日食lunch 就唔太抵， 要散叫！喺冇乜選擇嘅馬鞍山，久唔久食吓ok

又到食午餐時間喇 !!! 和民逢星期一至五都有特選餐，非常抵，$68 已經有燉蛋﹑湯﹑沙律﹑飲品﹑飯等，雖然係咁，我地今日叫左石鍋黑椒牛肉飯定食同和民石鍋泡菜飯定食 韓式伴飯都不過不失，料頭充足，有泡菜、芽菜、蛋、菠菜等等，值得一讚是，整個飯也是熱騰騰的，且還細心用木盒裝好，嗯…不過見到木盒有點污漬在內，如果可以清潔一下就更好 ! 另外，比較貼心有細碟嘅沙律及湯送，真好。而和民石鍋泡菜飯也挺不錯，且飯量也較多，粟米粒粒也很多，所以吃得很滿足 ! 不過，好似特選餐比較抵，下次再叫喇 !