Video
Read full review
2022-09-09
222 views
位於九龍城嘅三和叙係一間主打爐端燒嘅日本餐廳, 當中名字嘅「三」代表三款日式料理：壽司刺身／鐵板燒／爐端燒，「和」則指「和食」而「叙」就係指聚會餐廳基本上設有三層, 每層都分別主理唔同料理, 上層係鐵板燒同壽司刺身omakase, 主要招待大伙人聚會, 而下層就係爐端燒, 設有吧枱同卡位, 地方闊落坐得相當舒服, 坐在吧枱前近距離望住廚師料理過程, 係一件賞心悅目嘅樂事, 有時簡簡單單邊食下野, 邊同素未謀面嘅廚師聊聊天, 一晚又過去, 放下煩惱後, 又嚟迎接第2日, 各自為夢想而努力, 三和叙就係一個咁嘅地方, 一個為客人而設嘅‘’舒適圈‘’餐廳使用真正明火炭爐，並採用日本備長炭, 為客人帶嚟日本風味, 餐廳所用上嘅器具亦相當別緻, 每一道菜都用上唔同款式嘅器具, 除左增強新鮮感, 背後亦有唔同寓意, 而且每一個細節位例如擺盤, 會用番果道菜色嘅食材去擺盤, 就連放係碟上嘅煙燻木片, 都係特意係日本採購, 目的就係要做到色、香、味、美俱全, 做廚師同時兼當藝術家同設計師, 認真唔簡單! 當晚車車同朋友點左爐端燒Omakase, 由Mark師傅為我地烹調食物, 食足3個半鐘, 美食確實
餐廳基本上設有三層, 每層都分別主理唔同料理, 上層係鐵板燒同壽司刺身omakase, 主要招待大伙人聚會, 而下層就係爐端燒, 設有吧枱同卡位, 地方闊落坐得相當舒服, 坐在吧枱前近距離望住廚師料理過程, 係一件賞心悅目嘅樂事, 有時簡簡單單邊食下野, 邊同素未謀面嘅廚師聊聊天, 一晚又過去, 放下煩惱後, 又嚟迎接第2日, 各自為夢想而努力, 三和叙就係一個咁嘅地方, 一個為客人而設嘅‘’舒適圈‘’
餐廳使用真正明火炭爐，並採用日本備長炭, 為客人帶嚟日本風味, 餐廳所用上嘅器具亦相當別緻, 每一道菜都用上唔同款式嘅器具, 除左增強新鮮感, 背後亦有唔同寓意, 而且每一個細節位例如擺盤, 會用番果道菜色嘅食材去擺盤, 就連放係碟上嘅煙燻木片, 都係特意係日本採購, 目的就係要做到色、香、味、美俱全, 做廚師同時兼當藝術家同設計師, 認真唔簡單! 當晚車車同朋友點左爐端燒Omakase, 由Mark師傅為我地烹調食物, 食足3個半鐘, 美食確實令心靈得到滿足!
🌟A5佐賀和牛塔塔伴魚子醬
半生熟和牛混合洋蔥粒, 口感非常豐富, 配搭日式酸汁同魚子醬, 令味道昇華, 頂層嘅金箔令整道菜更顯高貴感覺
🌟海鮮
📍德島縣岩蠔, 有成隻手咁大, 頂層用黑魚子醬作點綴, 蠔肉肥美飽滿, 鮮嫩多汁, 燒得岩岩好!
📍炭燒北寄貝配紫蘇花
紫蘇花已經成為日本菜嘅常用花之一, 為食材多添一份清新香氣, 北寄貝爽嫩肥厚, 咬落去啖啖肉
🌟炭燒龍蝦🦞配黑松露片🍄／龍蝦膏汁
龍蝦爽口鮮嫩彈牙, 配搭黑松露片同龍蝦膏汁, 每一啖都充滿住龍蝦膏鮮味同黑松露香氣
🌟葷菜2款
第一道係赤雞🐔, 肉眼睇都已經睇到皮脆肉嫩, 食落嫩滑juicy, 非常鮮味, 第2道係鵝肝🦢配炸牛蒡絲, 鵝肝口感紮實綿密, 細膩爽滑, 入口即化, 入口時味道較濃郁，尾韻強勁然後帶有淡淡嘅油脂香停留係口腔中, 牛蒡絲炸得非常酥脆, 仲可以解一解鵝肝膩感
🌟雜錦漬物
雜錦漬物有蘿蔔／橋頭／牛蒡, 從前不愛食漬物, 大個左就開始懂得欣賞, 除左解膩亦有開胃作用, 為主菜作準備
🌟澳洲M9西冷，A5佐賀西冷，A5熊本牛柳🐂🥩
師傅特意分開三款牛肉上枱, 油份由低至高食起, 牛柳軟硬適中, 肉味均勻, M9肉味比較濃有嚼勁, 而A5西冷油脂最重, 三款入面車車較喜歡為A5熊本牛柳, 外層微脆, 食落解嫩多汁, 油脂感適中, 唔會好快膩
🌟野菜2款
食完肉食番d蔬菜有助減低膩感, 是日野菜係秋葵, 銀杏同冬菇, E到嘅燒野菜都相當高質
🌟季節湯
季節湯採用帶子同真鯛魚煮成, 入口鮮甜味美, 一d都唔腥!
🌟迷你和牛飯
連和牛飯都做得咁出色, 真係三和叙獨有, 和牛粒口感嫩滑細嫩, 口感柔軟, 肉汁豐富, 牛味濃郁, 旁邊嘅飯口感濕潤, 配搭野菌一齊炒, 香氣滿溢
🌟時令果物
少有地可以見住師傅係面前開蜜瓜, 赤肉蜜瓜味道清甜, 爽口多汁, 果肉軟滑, 為豐盛嘅晚餐畫上完美嘅句號
Post
