Video
Read full review
2018-08-12
656 views
難得呢排公司冇咁忙，可以準時收工，放工一於去chill下！今次就去咗銅鑼灣食嘢，喺利園附近嘅希雲街，有幾間唔同類型嘅餐廳，我哋就去咗一間集合日本菜和酒吧嘅餐廳食飯！呢間餐廳叫Bilibala，主打日本菜和酒，我同朋友都叫咗唔少嘢食，等我向大家推介下！首先，有我好鍾意食嘅燒雞泡魚乾，廚師燒到夠哂焦，食落非常香口，仲有蛋黃醬一齊食，正！跟著呢個胡麻黑豚沙律，好特別，用咗豚肉，令呢個沙律冇咁寡，撈埋胡麻醬食好好味。去食日本嘢一定要叫燒明太子，我呢個明太子怪，食過無數咁多次，今次算唔錯，除咗燒到啱啱好之外，仲夾埋青瓜一齊食，唔會太鹹。 除咗食肉之外，都要食下菜，呢個燒千両茄子學咗燒八爪魚丸咁，放咗啲燒木魚碎好好味，完全唔似食茄子咁呀；仲有個好特別嘅日本舞茸同小辣椒，舞茸都幾大個，好爽口，唔錯；小辣椒微辣，都可以。呢間餐廳嘅串燒都幾好食，有好特別嘅燒雞心，爽爽哋，幾好味；免治雞肉串係呢度嘅主打，所有雞肉係鋪頭自己整同調味，食嘅時候加一隻生雞蛋，滑滑哋，好日本！成晚最正嘅就係呢個燒北海道帶子，大大隻刺身用帶子，燒完好多汁，頂級，鮮味十足！最後，食番個來自沖繩嘅燒菠蘿，非常甜，食到飽哂！最尾整番杯梅
今次就去咗銅鑼灣食嘢，喺利園附近嘅希雲街，有幾間唔同類型嘅餐廳，我哋就去咗一間集合日本菜和酒吧嘅餐廳食飯！
呢間餐廳叫Bilibala，主打日本菜和酒，我同朋友都叫咗唔少嘢食，等我向大家推介下！
首先，有我好鍾意食嘅燒雞泡魚乾，廚師燒到夠哂焦，食落非常香口，仲有蛋黃醬一齊食，正！
跟著呢個胡麻黑豚沙律，好特別，用咗豚肉，令呢個沙律冇咁寡，撈埋胡麻醬食好好味。
去食日本嘢一定要叫燒明太子，我呢個明太子怪，食過無數咁多次，今次算唔錯，除咗燒到啱啱好之外，仲夾埋青瓜一齊食，唔會太鹹。
除咗食肉之外，都要食下菜，呢個燒千両茄子學咗燒八爪魚丸咁，放咗啲燒木魚碎好好味，完全唔似食茄子咁呀；仲有個好特別嘅日本舞茸同小辣椒，舞茸都幾大個，好爽口，唔錯；小辣椒微辣，都可以。
呢間餐廳嘅串燒都幾好食，有好特別嘅燒雞心，爽爽哋，幾好味；免治雞肉串係呢度嘅主打，所有雞肉係鋪頭自己整同調味，食嘅時候加一隻生雞蛋，滑滑哋，好日本！
成晚最正嘅就係呢個燒北海道帶子，大大隻刺身用帶子，燒完好多汁，頂級，鮮味十足！
最後，食番個來自沖繩嘅燒菠蘿，非常甜，食到飽哂！
最尾整番杯梅酒同巨峰提子燒酒，為呢一餐劃上句號。
Post
