Video
Read full review
2017-07-28
1561 views
每次心情低落，遇上不如意事時，總希望找一間好味既餐廳，食番餐好既，幾將所有負能量，壞情緒一一吃到肚中。而好味既餐廳，香港實在有很多，首先要想的是食物種類，其代要想餐廳環境，餐廳地點，等等。而好味既野食，今夜在我腦中第一個飄過既就係Omakase，食「廚師發辦」，最無敵的在於客人唔駛諗唔駛煩，而餐廳既廚師就會將最好既食物呈現係你面前，岩哂已經心情低落既我，可以省卻了我的腦汁腦力。這夜的晚餐，我就選址佐呢間位於元朗既鮨文，一來，經常聽朋友推介呢個餐廳，二來，我想揀一間離開鬧市既餐廳，盡量減低「撞」到公司同事既機會，希望享受一頓寧靜的晚飯。食既係omakase，價錢係$1850既全包宴，「廚師」問了我們有沒有甚麼特別想食，或者特別唔想食後，便開始為我們「發辦」，而我地要做既不多，就係等食啦。首先，店員會為我們奉上熱毛巾先潔淨雙手，然後廚師會作自我介紹，幸運地，這夜為我們主理的師傅正是餐廳的創辦人文師傅，食omakase既奇妙之處在於，每次去食同一間餐廳，即使係同一樣的環境，同一樣的食材，只要係師傅不同，整個experience都會好唔同，這晚，我們是幸運的一群。前菜是黃瓜，准山，和子薑。三文
而好味既餐廳，香港實在有很多，首先要想的是食物種類，其代要想餐廳環境，餐廳地點，等等。
而好味既野食，今夜在我腦中第一個飄過既就係Omakase，食「廚師發辦」，最無敵的在於客人唔駛諗唔駛煩，而餐廳既廚師就會將最好既食物呈現係你面前，岩哂已經心情低落既我，可以省卻了我的腦汁腦力。
這夜的晚餐，我就選址佐呢間位於元朗既鮨文，一來，經常聽朋友推介呢個餐廳，二來，我想揀一間離開鬧市既餐廳，盡量減低「撞」到公司同事既機會，希望享受一頓寧靜的晚飯。
食既係omakase，價錢係$1850既全包宴，「廚師」問了我們有沒有甚麼特別想食，或者特別唔想食後，便開始為我們「發辦」，而我地要做既不多，就係等食啦。
首先，店員會為我們奉上熱毛巾先潔淨雙手，然後廚師會作自我介紹，幸運地，這夜為我們主理的師傅正是餐廳的創辦人文師傅，食omakase既奇妙之處在於，每次去食同一間餐廳，即使係同一樣的環境，同一樣的食材，只要係師傅不同，整個experience都會好唔同，這晚，我們是幸運的一群。
前菜是黃瓜，准山，和子薑。
三文魚籽蒸蛋
第一款來到的是三文魚籽蒸蛋，三文魚子非常大粒，每一粒也十分圓渾，文師傅形容佢地既三文魚子就如「食神」中的爆漿牛丸一樣，每一粒都彈到可以當兵兵波咁玩，食落既爆漿口感亦拍得住爆漿牛丸，當然不同既係那一份鮮甜味非牛丸所能比擬啦。
日本岩蠔
岩蠔非常大隻，海水味濃，食落十分滑身而帶creamy 感，唔需要加任何既檸檬汁或者醬汁已經好好味。
深海池魚
醬油已經預先加落池魚既身上，配上鮮磨wasabi，再用火槍炙過，把魚油迫出，食落油脂豐盈，口感嫩滑。
蟹膏蟹肉
濃濃既蟹膏蟹肉放在少少既米飯上，那蟹膏既濃度同埋鮮甜味絕對令人難忘，醋要慢慢醮，一啖一啖去細味。
紫海膽配天婦羅帶子
文師傅用了爽脆既紫菜包裹炸得甘香既帶子，而面頭既海膽更有畫龍點睛之效，除了減輕天婦羅的油膩熱氣感外，也帶來了一份「冷靜與熱情之間」的層次感。
清酒粒貝
粒貝亦即係響螺，加上雜菇，清酒不算非常入味，因為烹調既時候已經將酒精消磨掉，食落爽口彈牙帶一點酒香。
食omakase，其中一個重點在於客人和廚師間的互動，而健談既文師傅正好作出了一個完美的演繹。
赤身吞拿魚 （天然）
食落口感軟綿綿，含在口腔中慢慢細味，油香不算很濃，但口感贏哂。
瘦拖羅 （養殖）
不用醮任何醬汁，食落帶一點微酸，入口很快便溶掉。
肥拖羅 （天然）
這款天然既拖羅有比較多根，但並不是negative既多根感覺，而是每一口咬入，會有多一份層次，多一份肥美，和平時吃到的吞拿魚分別很大。
刺身後，來到壽司的環節。
真鯛壽司
師傅加入一滴青檸汁去帶出魚既鮮味，食落肉質嫩滑，味鮮且甜。
赤貝壽司
食落很爽口彈牙，上碟時可見它仍然生猛收縮，所以要盡快在佢最新鮮既狀態下食用，赤貝口感有d似象拔蚌，而味道更香。
車海老壽司
師傅把蝦從中間劏開，再把壽司飯釀進中間，蝦身很大隻，肉身堅挺，食落啖啖肉，夠鮮夠甜。
三文魚籽軍艦
每一粒三文魚籽都大粒而且爽彈，師傅表演將一粒三文魚籽拋落桌上真係會好似兵兵波一樣彈起，咬落鮮甜多汁，回味無窮
太刀魚壽司
即係我地既牙帶魚，超級的熱！配非常爽脆既紫菜，上面淋有金萡，既高貴又好味。
鮑魚
師傅教落，可以先吃原味既，再醮蟹膏，最後加入醋飯伴勻後再食用，3個層次，三個感覺。
雲丹盛滿
食完鮑魚後，開始見到師傅把一板又一板既海膽拿上枱，我便知道今晚最期待既畫面要出現了。
師傅毫不吝嗇地一更一更把海膽放進碗裡，明明已經滿載，但仍然落力加滿直至盛滿，這正是這道菜式的精髓所在，眼看已知道這碗海膽飯十級邪惡，食在口中更是幸福感爆登，那種鮮。甜，就像要在口中繞樑十日一樣。
文卷
在我們正在努力吃雲丹盛滿之際，文師傅已經開始為我們準備下一款食物，看見師傅把大量食材加進鐵碗，包括大量魚油，左口魚郡邊，蔥，白身魚碎，拖羅油等等。
最後再用紫菜包著，食落既香且甜，加上不同既食材在口中纏綿，為味蕾帶來一陣一陣的衝擊。
深海池魚湯
食飽剌身壽司後，店員為我們奉上一碗熱湯，味道非常鮮甜，裡面放有一塊白身的魚柳，一問之下原來是深海池魚，難怪咁好味。
日本直送蜜瓜
飲完熱湯後，來到飯後甜品時間，店員在蜜瓜上面灑上whisky酒，令蜜瓜除佐清甜外更加了一點「野性」。
美食能醫百病，這個道理永遠是對的，吃完這餐，負面的情緒已被美食和師傅的熱情所沖淡，而明天又可以全情投入工作。
Post
