Video
Read full review
2017-12-07
3548 views
點解。。。 呢度菜嘅味道 一啲都唔似齋菜嘅? 我哋喺呢餐飯。。。好似重複咗呢一句對白好多次!! 因為為食同事嘅推介， 美食 神探福福郎 特登約咗好耐冇見嘅大學同學出嚟食飯， 為的除了要交流一下 最近大家嘅近況之外， 亦要 化身金田一 。。。解開 齋菜 唔似 齋菜 嘅謎團。餐廳裝修雅致，第一印象不錯。我哋首先兵分兩路， 點了兩個 ， 價錢也不貴， 只是88元同108元。同學點的西湯，是蘋果南瓜甘筍忌廉濃湯。 我偷偷試了一羹， 食味不錯。(圖下左邊那碟)我點嘅中湯 (圖上右邊那碗) 係菜乾蓮藕甘筍雜豆湯。 由於有白菜 、菜乾、紅蘿蔔、 粟米 的關係 ，湯底已經十分鮮甜。 雜豆， 包括雞心豆、眉豆等，則補足了湯底沒有肉類的 寡味。 令湯底感覺上有一種厚實嘅 質感。 再加上用了蓮藕吊味， 喝起來 鮮味十足。 從豆類 散出嚟的澱粉質， 滿足了舌底味蕾 通往神經的 最後一個 要塞， 所以這個湯喝起來， 真的很好味， 好想再 添食 一碗。藜麥雜果沙律的份量不是太多， 以男仔的食量來說 ，三口已經把整碗沙律吃完 ，有一種唔夠喉被人嘅感覺。。。oh my god。。。都係食啲飽肚嘅嘢先。。。 就係點心拼
因為為食同事嘅推介， 美食 神探福福郎 特登約咗好耐冇見嘅大學同學出嚟食飯， 為的除了要交流一下 最近大家嘅近況之外， 亦要 化身金田一 。。。解開 齋菜 唔似 齋菜 嘅謎團。
餐廳裝修雅致，第一印象不錯。
我哋首先兵分兩路， 點了兩個 [精選午餐set menu]， 價錢也不貴， 只是88元同108元。
同學點的西湯，是蘋果南瓜甘筍忌廉濃湯。 我偷偷試了一羹， 食味不錯。(圖下左邊那碟)
42 views
1 likes
0 comments
我點嘅中湯 (圖上右邊那碗) 係菜乾蓮藕甘筍雜豆湯。 由於有白菜 、菜乾、紅蘿蔔、 粟米 的關係 ，湯底已經十分鮮甜。
雜豆， 包括雞心豆、眉豆等，則補足了湯底沒有肉類的 寡味。 令湯底感覺上有一種厚實嘅 質感。
再加上用了蓮藕吊味， 喝起來 鮮味十足。 從豆類 散出嚟的澱粉質， 滿足了舌底味蕾 通往神經的 最後一個 要塞， 所以這個湯喝起來， 真的很好味， 好想再 添食 一碗。
72 views
1 likes
0 comments
藜麥雜果沙律的份量不是太多， 以男仔的食量來說 ，三口已經把整碗沙律吃完 ，有一種唔夠喉被人[吊癮]嘅感覺。。。oh my god。。。
78 views
2 likes
0 comments
都係食啲飽肚嘅嘢先。。。 就係點心拼盤啦！
冬菇包 ----- 充滿了冬菇的鮮味 。一口 ，吃完 !
春卷 ----- 炸得很脆，但一點也不油膩， 值得一讚。
奶黃包 ----- 做到成粒蛋黃哥咁! 看見已經食指大動 ，奶黃餡跟出面的不一樣 ，有一種結實的質感 ，很特別 。
香菇燒賣 ----- 吃下去跟外邊的豬肉燒賣 。。。竟然沒有味道上的分別。 天哦！ 廚師可否告訴我 。。。他用了什麼餡料?
46 views
1 likes
0 comments
我叫的套餐 ，主菜係芋頭栗子雜菌 豆腐煲 。原本我以為它是一個什菜煲。 但原來我估錯了！ 它是以炆煮的方法製作的 ，這個才是今天整餐午餐的亮點。
芋頭吸收了醬汁的味道、 栗子的香味、 和炸豆腐的鹹酥味， 因而變得超級惹味。
栗子本身 很甜美 ，也炆得很夠火候。 在秋冬時節吃栗子， 很有飽足感 。
豆腐的鹹酥味 最啱送飯。
我拿了這個餸的汁來塗飯， 剛好吧糙米飯的粗嚡感緩和 ，讓飯粒變得充滿油香和軟滑。
48 views
1 likes
0 comments
另ㄧ主食是蕃茄麵 ----- 用了粗麵 ，吃起來很健康 。麵條淥得啱啱好， 仍然保留了 麵條小麥粉的煙韌彈牙， 配上微酸的蕃茄湯，口感很正 。配上大大舊的西蘭花、椰菜花、 冬菇片， 很豐盛又健康的一個麵餐。
午市套餐，加20元即可食埋甜品。咁抵，當然要試。
甜品
55 views
2 likes
0 comments
我選的甜品係千層綠茶班戟。 我在openrice 裡看到，差不多每一個吃過這個甜點的人都讚好， 所以特地來一試的。 班戟其實一點也不甜， 最啱我呢啲。。。[又要貪食，又要戴頭盔] 嘅 偽健身達人， 可以係少一啲罪疚感嘅情況之下享受甜品。
仲有朋友點的香桃味雪葩。 清新的桃味 ，令我再三回味。
食完呢道甜品，亦完美咁 。。。替我們 這餐 金田一美食重案組午膳專案調查。。。畫上完美的句號。
24 views
1 likes
0 comments
最後，我們還 試了這家餐廳的特色飲品。。。 凍藍蝶花雪梨特飲 同 熱生薑茶。yummy...
在去廁所嘅時候 ，我經過走廊，看見這張poster ，終於揭開了這個。。。齋菜不是齋菜。。。的謎團。
原來廚師用了fusion的方法， 將中西菜的做法 融會貫通，並精準地善用了不同嘅食材本身嘅特性和香味來相互搭配， 令到齋菜吃起來也食味濃郁， 變化多端。
如果下次呢度嘅名廚再開班授徒， 我有一定要來報名 ，偷師一下。
不過現在首先要做的， 就是要去書局買呢本食譜， 好好研究一下。
Post
