Video
Read full review
2022-07-28
21 views
小編今次揀左一間串燒屋，近西環碼頭同埋泳棚，大家可以係黃昏時間，影完日落相，同朋友一路飲酒一路傾計。入面可以揀坐bar枱定兩人枱，bar可以欣賞廚師嘅手勢，兩個人枱就較為適合撐枱腳。在位的一刻，枱面已經到準備好防疫所需嘅野：口罩袋、酒精同紙巾。十分細心同重視防疫意識。溫馨提示，疫情仍然嚴峻，請時刻保持衛生清潔。炸雞軟骨色香味俱全，一上枱就聞到好香，酥脆可口，配酒一流，真係令人食唔停口。西京銀鱈魚賣相十分之好，好有心機燒出嚟，魚油同花紋好多，入口香脆鬆軟，每一啖都感受到銀鱈魚嘅香味。另外，粉紅色蓮藕一定要食，當你感覺好油膩嘅時候，會幫到你。燒牛舌厚燒牛舌，每塊都有1cm厚，有口感，一啲都唔韌，誠意十足。燒安格斯牛柳塊塊都好厚，燒完出嚟，中間仲係粉紅色，嫩口加上肉感、油質，令人食唔停口。燒雞皮略為遜色，有少少燶，但都可以接受，香脆可口，配酒一流。煙肉荔枝比較少見一道菜，冇諗過荔枝同煙肉都好夾，一啲都唔油，兩者之間取得平衡，唔會蓋過大家嘅味道。自家製雞肉串必試嘅一道串燒，口感一流，每一啖都有軟骨係入面，雞肉比例都佔好多。一定要點上，真蛋黃醬，加埋雞蛋黃嘅香，食落好有層次，呢個醬唔單止可以點雞
在位的一刻，枱面已經到準備好防疫所需嘅野：口罩袋、酒精同紙巾。十分細心同重視防疫意識。溫馨提示，疫情仍然嚴峻，請時刻保持衛生清潔。
炸雞軟骨
色香味俱全，一上枱就聞到好香，酥脆可口，配酒一流，真係令人食唔停口。
西京銀鱈魚
賣相十分之好，好有心機燒出嚟，魚油同花紋好多，入口香脆鬆軟，每一啖都感受到銀鱈魚嘅香味。另外，粉紅色蓮藕一定要食，當你感覺好油膩嘅時候，會幫到你。
燒牛舌
厚燒牛舌，每塊都有1cm厚，有口感，一啲都唔韌，誠意十足。
燒安格斯牛柳
塊塊都好厚，燒完出嚟，中間仲係粉紅色，嫩口加上肉感、油質，令人食唔停口。
燒雞皮
略為遜色，有少少燶，但都可以接受，香脆可口，配酒一流。
煙肉荔枝
比較少見一道菜，冇諗過荔枝同煙肉都好夾，一啲都唔油，兩者之間取得平衡，唔會蓋過大家嘅味道。
自家製雞肉串
必試嘅一道串燒，口感一流，每一啖都有軟骨係入面，雞肉比例都佔好多。一定要點上，真蛋黃醬，加埋雞蛋黃嘅香，食落好有層次，呢個醬唔單止可以點雞肉串，仲可以點其他串燒，添上蛋黃香，食落會唔停口。
燒菠蘿
唔酸唔太甜，對小編嚟講，十分岩岩好，怕酸嘅朋友，都可以不妨一試。
飲品
叫左兩款梳打水，西柚同熱情果，小編就比較鍾意西柚，酸酸甜甜，仲可以解油膩同消滯。
Ps 店主仲準備三款唔同嘅鹽：抹茶鹽、柚子、，大家可以分別試下。另外，店員好親切，會解答每道串燒係咩，仲會推薦有咩好食，所以唔洗擔心唔知叫咩好。
Post
