花楽 (北京道1號) (Closed)

今日同朋友慶祝生日預約咗呢一間有朋友介紹唔錯嘅花樂咁呢一間餐廳呢就喺尖沙咀嘅核心地段我哋行完街上嚟食嘢就啱啱好呢度嘅格局同埋環境都好靚 而且食飯嘅時候可以飽覽維港嘅景色咁樣都會成餐飯加唔少分本來呢就諗住食日式嘅料理啦但係朋友嚟到就話想打邊爐咁我哋就叫咗松set因為可以無限食海鮮同蠔🤭個前菜就有呢個嘅海蜇壽司三點就有 蝦吞拿魚同埋油甘魚 佢嘅刺身都做得相當之好 好有海鮮嘅鮮味同埋魚嘅油脂至於三文魚最抵讚嘅就係厚切！成個口感唔同晒而且三文魚刺身都係任食 件件咁厚然後 海鮮放題，當然唔少得有呢一個嘅廣島蠔同蝦同埋佢今日嘅時令貝類就係沙白全部都係新鮮聞到有海水味嘅海鮮😚另外仲有和牛 油脂同埋牛味都好重不過略嫌薄左少少但係放題任食就冇乜所謂最後都嗌咗個雜菜拼盤 佢啲蔬菜都係日本嘅蔬菜樣樣都有返咁上下質素 睇得出係有挑選過嘅另外佢呢度有日式手調飲品 呢一個就係抹茶鮮奶可惜我就唔飲酒嘅，如果唔係可以加$99追加清酒放題最後仲有一個小小嘅甜品 為成餐飯畫上一個完美嘅。