Video
Read full review
2018-02-21
14414 views
仲有唔夠幾日就到新年了，一到左新一年最重要嘅節日，各個食肆一定人山人海的了，所以為左唔同人逼就提早同屋企人過節食個團年飯。往年嘅團年飯都係食中菜多，今年就帶媽子食個自助餐等佢開心下。因為臨近農曆新年，酒店都佈滿新年裝飾，好有氣氛而全部財神公仔擺設都係人手做成，好趣緻。加上環境寛敝座位間隔足夠，坐得人幾舒服。前菜先食左啲冷盤，壽司／沙律／小食都唔錯，啱晒用黎開一開胃口，準備迎接呢度嘅四款限定食品。海鮮方面有五款可揀：長腳蟹／元貝／有殼蝦／剝殼蝦以及青口，雖然唔多但夠新鮮，肉質爽口彈牙啖啖肉。調味唔太咸，沾少少茄醬啱啱好。話口未完就聽到一陣銅片琴鈴聲，所以即刻去攞今晚嘅頭盤：海膽刺身丼。飯量唔算多，但三文魚／拖羅／玉子／海膽等粒粒堆到滿，而且刺身夠新鮮，海膽入口甘甜帶奶香。之後幫媽子攞左碗坊間少有嘅蟲草水鴨湯，味道清甜唔會好油膩，好啱近排乾燥嘅天氣滋潤一下。係湯品區隔離係各類嘅熟食，方魚炒芥蘭／咖哩豬排／泡菜炒蛤／枝竹炆羊腩都係惹味之選，清淡啲仲有素食揀。其中個黑椒牛仔骨焦香味濃，夠晒入味。食完咸品，就轉食少少甜品中和一下。因為一入門口就係甜品區，各種精緻甜品琳琅滿目擺在眼前，首先食左啲個
因為臨近農曆新年，酒店都佈滿新年裝飾，好有氣氛而全部財神公仔擺設都係人手做成，好趣緻。加上環境寛敝座位間隔足夠，坐得人幾舒服。
前菜先食左啲冷盤，壽司／沙律／小食都唔錯，啱晒用黎開一開胃口，準備迎接呢度嘅四款限定食品。
海鮮方面有五款可揀：長腳蟹／元貝／有殼蝦／剝殼蝦以及青口，雖然唔多但夠新鮮，肉質爽口彈牙啖啖肉。調味唔太咸，沾少少茄醬啱啱好。
海膽刺身丼
66 views
0 likes
0 comments
50 views
0 likes
0 comments
係湯品區隔離係各類嘅熟食，方魚炒芥蘭／咖哩豬排／泡菜炒蛤／枝竹炆羊腩都係惹味之選，清淡啲仲有素食揀。其中個黑椒牛仔骨焦香味濃，夠晒入味。
食完咸品，就轉食少少甜品中和一下。因為一入門口就係甜品區，各種精緻甜品琳琅滿目擺在眼前，首先食左啲個荔枝蛋糕，甜味偏清爽用黎過場中和一下味蕾就啱晒了，仲有各款杯子蛋糕造型都幾吸引，捲餅都係即叫即整。鐘意食甜品嘅一定要留肚食。
不消一會就到左第二道特色菜式出場：美國肉眼扒配芝士焗龍蝦。一聽到琴聲就即刻去排隊，員工們一邊協助分發食物一邊維持秩序，所以唔使擔心攞唔到。
美國肉眼扒配芝士焗龍蝦
55 views
0 likes
0 comments
牛肉五成熟保持軟嫩多汁。肉眼肉質素幾高，入口牛油味香濃加上有少少焦香，真係食唔停口。龍蝦肉都大隻同彈牙，芝士唔會太多而蓋過左蝦肉嘅味道。廚師仲好有心思咁將蟹鉗拆肉，釀入龍蝦頭之中。所以食時除左有蝦膏嘅香仲有埋蟹鉗嘅口感，正。
除左肉眼之外，呢度另一款牛排都唔可以放過，同樣都係五成熟，但就可以根據自己食量讓師傅現切出黎，不過都要記得＂食得晒先好嗌＂。
因為牛肉真係高質同食過翻尋味，所以即刻去ENCORE多轉，同時食埋佢呢度嘅手作批薩。批薩偏輕盈，批底好薄脆，簡單以芝士／蕃茄／辣肉腸調配已經好好食了。因為扒焗後方有個專用批薩爐，所以一REFILL師傅就會即場搓麵團做出黎，所以客人食到嘅都一定熱辣辣，脆卜卜。
鮑魚／花膠／花菇伴脆米
59 views
0 likes
0 comments
第三款琴聲菜色係鮑魚／花膠／花菇伴脆米。因為媽子愛花膠所以攞多碗俾佢食。鮑魚同花膠都好入味炆煮得腍滑黏牙，配上脆米增添口感。而花菇吸收晒鮑汁嘅精華，味道絕不遜色於兩者。
之後食多轉牛扒都覺差不多了，就向甜品埋手。因為甜品真係好多款色，連雪糕都有九種味道真係要多一個胃先食得晒。
其中以紅莓栗子蛋糕同TIRAMISU銷路最好，無辦法因為兩個都做得好細滑，TIRAMISU嘅酒香怡人，栗子蓉嘅清淡加上甜度適中，大人細路食多兩件都唔怕肥。
火焰雪山
64 views
0 likes
0 comments
黎到結尾又再次聽到銅片琴鈴聲，出場嘅係：火焰雪山。冰凍嘅紅莓味雪糕淋上燃燒中嘅RUM酒，一黎就已經酒香撲鼻。入口味道微酸又凍質感似雪葩，用黎消除整晚食下來嘅飽滯感就啱啱好了。
餐廳整體環境舒適，食物類型亦夠多同埋員工態度友善，以自助餐黎講性價比都高。下次除左團年飯，黎呢度慶祝生日或者中同GATHERING都係個唔錯選擇。
Post
