Goobne Chicken (V Point)

Open Now

Now Closed

再次光臨韓國烤雞店呢間烤雞店其實都食過好幾次，但銅鑼灣分店今次第一次光顧，我同朋友兩個人，店員好好安排左一個角落海景位俾我地，有景睇心情都大好我地兩個人叫左三樣野，有鐵板軟芝士甜辣烤雞，砂鍋魚糕湯同埋韓式炒牛肉粉絲鐵板軟芝士甜辣烤雞平時都叫開，因為d芝士實在太邪惡咁好味，我直頭覺得好食過d烤雞，芝士上面仲鋪滿一層又濃又香既甜辣醬，加埋雞肉油香簡直係三重滋味。咁雞黎講當然都好食啦，最正就係雞皮薄得黎烤到好香脆，咬落直頭有聲咁脆，食落唔會肥淋淋。砂鍋魚糕湯都係必點啦，個湯又鮮又甜，有白羅白既甜味，加埋辣椒同埋胡椒粉既少少辛辣味，愈飲愈好飲。加上有不同種類既魚糕，非常豐富。韓式炒牛肉粉絲好大碟，份量好多，好多配菜，有牛肉、磨菇、青椒、甘筍、雲耳。粉絲好香麻油味，醬油又甜甜地咁好開胃。