大同老餅家

Open Now

Now Closed

話説去朋友田心村的補習社Hea左一陣，同小朋友s s s (因為係三個)玩左一陣，諗住去行吓！咁咪去坐火車囉，點知傻仔又上身，明明見到車係去紅磡嫁嘛，點知去左沙田，真係嚇親。 唯有落車啦～見到有大同老餅家望吓有咩買先。望兩望，其實啲野都幾貴， 覺得唔係好值，但又見到老婆餅就買一件。(買一件好似好小家咁！)點知個老婆餅面勁鬆之餘仲有少少脆。個餡有少少甜，可接受的甜度，中間位置都夠軟身, 好咬口！ 雖然size唔大，原來都幾飽嫁喎。 可能油份同糖份都高。不過唔知點講，可能食慣恆香，都係覺得恆香好食啲，依個我當係止住癮先!