翡翠拉麵小籠包 (Closed)

嚟到荃灣廣場，嚟到翡翠拉面小籠包食上海菜。2老3大1小，嗌咗唔係好多嘢，但已經夠食！6樣嘢，分別係醉雞、上海小籠包、生煎包、燉雞湯、葱油餅、上海炒年糕、雞絲粉皮同2杯豆漿。醉雞好食，肉質嫩，酒量適中，容易入口。燉雞湯，味道濃，好飲，推薦！雞絲粉皮，開胃，份量夠。小籠包，皮薄，食落去湯夠熱，幾好食。蔥油餅就差啲，有啲太乾，冇鬆軟感覺，皮好似有點過厚。上海炒年糕，幾好，但友人覺得太咸，我就覺得幾好豆漿，冇以前咁好飲，唔夠凍，又有啲覺得太rich。唔係第一次嚟翡翠拉面小籠包，多間分店都去過，今次嚟到荃灣呢間，覺得食物水準一直保持好，幾好食！加上幾推薦荃灣呢間！因為環境好好，我哋坐喺大落地玻璃隔離，果日天氣又幾好，太陽唔會話過猛，所以成個feel好好，空間感大，坐得舒服，傾計食飯都舒服d，正！一共食咗五百幾蚊，價格中等，下次會再嚟！