十二味 (謝斐道)

Open Now

Now Closed

今晚已經係第三次食十二味😂上星期同班朋友返大陸食酸菜魚唔夠喉， 諗起香港有呢間有水準川菜，今晚再接再厲😂兩個人叫左一個酸菜魚小辣加薯粉，大盤花菜唔辣，冰粉，同一個飯～酸菜魚嘅魚好滑，完全唔腥，得好少細骨，個辣好香口但係唔會辣得辛苦，好食😆薯粉份量好多，粗身，十級煙韌！！😋 出面有啲餐廳會將薯粉煮到好淋搞到一pat野🙈椰菜花有啲爽口，熟嘅程度啱啱好，配埋個醬汁唔會太咸，可以解下辣又可以送下飯😁冰粉係朋友係餐廳見到必點既野，因為佢好中意啫喱狀物體，又可以戒辣👍 呢間既冰粉好滑，唔會太甜，整得唔錯👍👍下次諗住同班鍾意食辣嘅朋友去呢間， 就可以食晒乾鍋同酸菜魚🤣