Video
Read full review
2015-06-21
383 views
紫砂盅燉湯今晚重出江湖喇，梗係要 order 啦！熱到攞唔到上手，好采廚房哥哥用布幫我放係拓盤度啫。記得以前用大盅架喎，賣 $60 蚊，依定轉左用細盅賣 $30 有找，如果跟蒸飯只係 $20 添，勁抵飲！原盅淮山杞子螺頭燉雞湯，個盅勁辣手呢！開呀，香氣同白煙緩緩上升，索一索舒筋活絡、聞一聞精神爽利！特濃雞湯味道滲著微微海味既咸香，湯汁清徹有光澤，足料燉湯無得輸。湯汁濃郁帶少少漿力，甜美非常，螺頭既清香留係齒縫間久久不散！舌頭不停地打轉，細嚐每一滴精華！就算湯渣都好好味，螺頭彈彈既質地，而且仍然螺味十足。雞腳超腍滑溜又膠口，輕輕一啜即刻骨肉分離直衝肚底。豉椒鳳爪排骨飯，幾次黎幫襯都賣晒，實在搶手！今晚有口福，終於都捕獲喇！香噴噴既飯香撈上清甜既自家豉油，包裹著軟棉多汁排骨肉齊齊掉進口中，輕輕咀嚼著，香甜味美混為一體，好滿足啊！嘆完幾口原味快感後，再撈埋我最喜愛的自家香辣辣椒油，惹味中帶點震撼，根本美味！乾爽嚥韌飯粒、啖啖肉嫩滑入味排骨、清香不嗆不澀靚豉油，無得頂啦！黑松露醬燒賣，早前試過蟹籽燒賣美味極致，依家只係換上黑松露醬啫，品質保證，絕無問題。豪氣地成粒啪！蝦爽肉彈，口感實在唔會散筲
紫砂盅燉湯今晚重出江湖喇，梗係要 order 啦！熱到攞唔到上手，好采廚房哥哥用布幫我放係拓盤度啫。記得以前用大盅架喎，賣 $60 蚊，依定轉左用細盅賣 $30 有找，如果跟蒸飯只係 $20 添，勁抵飲！
原盅淮山杞子螺頭燉雞湯，個盅勁辣手呢！開呀，香氣同白煙緩緩上升，索一索舒筋活絡、聞一聞精神爽利！特濃雞湯味道滲著微微海味既咸香，湯汁清徹有光澤，足料燉湯無得輸。湯汁濃郁帶少少漿力，甜美非常，螺頭既清香留係齒縫間久久不散！舌頭不停地打轉，細嚐每一滴精華！就算湯渣都好好味，螺頭彈彈既質地，而且仍然螺味十足。雞腳超腍滑溜又膠口，輕輕一啜即刻骨肉分離直衝肚底。
豉椒鳳爪排骨飯，幾次黎幫襯都賣晒，實在搶手！今晚有口福，終於都捕獲喇！香噴噴既飯香撈上清甜既自家豉油，包裹著軟棉多汁排骨肉齊齊掉進口中，輕輕咀嚼著，香甜味美混為一體，好滿足啊！嘆完幾口原味快感後，再撈埋我最喜愛的自家香辣辣椒油，惹味中帶點震撼，根本美味！乾爽嚥韌飯粒、啖啖肉嫩滑入味排骨、清香不嗆不澀靚豉油，無得頂啦！
黑松露醬燒賣，早前試過蟹籽燒賣美味極致，依家只係換上黑松露醬啫，品質保證，絕無問題。豪氣地成粒啪！蝦爽肉彈，口感實在唔會散筲筲，添淡淡黑松露味，大愛！閒時係屋企都鍾意用黑松露醬配刺生、撈麵、炒蛋、配湯，正。
鵪鶉蛋燒賣，早前都試過，但賣相麻麻、皮太厚、味淡、蛋硬實、唔夠熱。見您今日咁靚仔，比多次機會您啦！賣相吸引，白裡透紅，皮薄餡靚，緊緊抱住蛋同肉，see through 隱約可見。索一索，清香豬肉味，仲等咩呀？食左先講啦！肉球彈牙又多汁，撞上甘香鵪鶉蛋，結合得淋漓盡致，good 呀！同上批師傅既出品有過之而無不及，讚！encore！
四寶鮮淮山魚肚雞紮，同樣都係 re-test，上次質數味道只屬一般，依家新人事新作風，試吓咩料先。淨講賣相已贏成條街，卷得緊密整整齊齊，靚！聞得到濃厚雞香味，溜晒口水囉。慢慢來唔洗急，出晒煙睇黎勁熱喎，拆開望望有火腿條、鮮淮山、魚肚、雞柳，平時我都會成件紮咬，唔會拆開，因為可以同一時間食到四種味道四種口感，勁正！是關太熱喇，熱到入唔到口，唯有分開食啦。
先用腐皮卷住魚肚食，腐皮濕潤嚥韌彈牙包住爽滑未香甜魚肚，仲要索盡熱辣辣雞汁，好味道！再用腐皮卷住雞柳食，又嫩又彈既質地，醃得又入味，正。一條鮮淮山非常粉口，另一條反而爽脆，我較喜歡後者，配埋彈牙帶咸香既火腿條，天衣無縫，淮山本身味啖，搭上火腿一絕。
非常滿足既一餐，全部滿分無投訴！一湯一飯三點心，太貪心喇！要做返幾晚運動先得。
Post
