忠記粥品 (人和悅大廈)

Open Now

Now Closed

聽人講好好食，尤其老一輩，每次經過都話好食，姑且信佢一次，試吓個魚腩粥先。我係外賣返去食嘅，一次過買咗兩碗，攞嘅時候好重下，我已經諗一定係好足料。返到去個粥仲好鬼死熱，粥底好夠綿又唔會太淡，唔洗另外加豉油都好夠味，睇圖你都見啲粥一粒粒分明，証明真材實料，真係好抵食，仲未計碗嘢入面成4-5舊足份量嘅魚腩，攞哂岀嚟，碗粥當堂無咗一半，姐係話，魚腩粥有一半都係魚腩，正到！平時食可能得一兩舊㗎喳。雖然佢啲魚腩就無之前喺荃灣食嗰間咁啱啱好熟，又嫩又滑，但佢都做得唔錯，魚好新鮮，唔腥又甜。呢間性價比好高，幾十蚊就有交易，之前喺荃灣都要五十幾，灣仔反而仲平過荃灣LOL