老三火鍋 (Closed)

同一大班朋友收工之後去到旺角打邊爐！之前朋友食過呢間呀話好推介！佢本身係一個好養生嘅人，佢話一齊去打邊爐嘅時候我哋都奇怪，佢話佢打邊爐淨係打呢一間 ，因為每次食完佢都唔會有熱氣唔舒服嘅感覺😂呢度嘅招牌湯底係老鴨湯啦，味道好香好濃！啲店員我哋咁多人就開咗間房俾我哋，服務態度都好好！配料方面選擇都好多，除咗唔少得嘅肥牛之外都有好多唔同海鮮！😍叫到成張枱都擺唔晒，原因就係呢度嘅價錢唔算好貴，一大班人食下食下忍唔住就越叫越多😍食完之後真係完全冇喉嚨痛熱氣嘅感覺，可能因為個湯底真係好補！😂😂😂