Video
Read full review
2020-11-03
401 views
呢排老公工作辛苦了, 趁佢生日就同佢食好D 啦! 森美餐廳一向都係我哋喜愛O既餐廳之一, 貪佢餐廳內環境不錯, 食物性價比高又就腳。黑色O既門面, 加上落地大玻璃, 令餐廳喺晚上變得特別顯眼。門外已經有MENU, 睇到啱食先入去! 晚上冇套餐, 不過可以加$30 有一件CAKE (冇得揀, 隨機) 同一杯非特飲飲品。先上餐飲 - 西柚可樂, 特別, 可惜冇COKE ZERO。餐湯 - 青紅蘿蔔忌廉湯, 冇乜特別; 餐包係熱上的美國安格斯西冷牛扒 - 老公生日就食豪D D, 佢揀咗美國安格斯西冷牛扒 (MEDIUM) 我記得對上一次叫西冷牛扒係一年前, 果次係失望而回的。所以今次老公諗住點時, 我都有猶豫。不過今次就冇令我失望啦! 首先講講塊扒都幾大塊, 切開又真係做到MEDIUM, 調味方面都好不錯! 令人好想食完一舊再一舊。$228 O既價錢, 有呢個質量, 我覺得好OK!扒底有薯蓉, 有燒菠蘿, 燒粟米, 筍, 同燒蒜頭! 一見到個燒蒜頭, 我就好開心 (我老公就唔太開心啦, 因為佢好怕蒜頭味)! 因為外面餐廳好少有, 而森美餐廳就有提供! 我真係好鍾意食蒜頭架! 另外, 燒菠蘿真
森美餐廳一向都係我哋喜愛O既餐廳之一, 貪佢餐廳內環境不錯, 食物性價比高又就腳。
黑色O既門面, 加上落地大玻璃, 令餐廳喺晚上變得特別顯眼。
門外已經有MENU, 睇到啱食先入去!
晚上冇套餐, 不過可以加$30 有一件CAKE (冇得揀, 隨機) 同一杯非特飲飲品。
先上餐飲 - 西柚可樂, 特別, 可惜冇COKE ZERO。
西柚可樂
33 views
0 likes
0 comments
餐湯 - 青紅蘿蔔忌廉湯, 冇乜特別; 餐包係熱上的
餐湯
39 views
0 likes
0 comments
美國安格斯西冷牛扒 - 老公生日就食豪D D, 佢揀咗美國安格斯西冷牛扒 (MEDIUM)
我記得對上一次叫西冷牛扒係一年前, 果次係失望而回的。所以今次老公諗住點時, 我都有猶豫。
不過今次就冇令我失望啦! 首先講講塊扒都幾大塊, 切開又真係做到MEDIUM, 調味方面都好不錯! 令人好想食完一舊再一舊。$228 O既價錢, 有呢個質量, 我覺得好OK!
扒底有薯蓉, 有燒菠蘿, 燒粟米, 筍, 同燒蒜頭! 一見到個燒蒜頭, 我就好開心 (我老公就唔太開心啦, 因為佢好怕蒜頭味)! 因為外面餐廳好少有, 而森美餐廳就有提供! 我真係好鍾意食蒜頭架! 另外, 燒菠蘿真係好甜, 甜到漏呀! 薯蓉感覺上比較稀, 不過配搭起上嚟, 令成個餐唔會太膩, 稀得有道理。
美國安格斯西冷牛扒
$228
31 views
0 likes
0 comments
深海盲鰽魚柳配檸檬牛油汁 - 呢個要等大約15 分鍾先黎, 有2 大塊魚柳 (都幾厚下), 魚皮煎得好香! 盲鰽魚柳本身清清地, 不過真係好大件, 加埋檸檬牛油汁, 食食下都幾漏! 但係又好好味喎!
深海盲鰽魚柳配檸檬牛油汁
$158
28 views
0 likes
0 comments
摩卡蛋糕及柚子芝士蛋糕 - 老公生日都要食下蛋糕O既! 雖然冇得揀款, 但係好彩上O既呢2 款都係我哋鍾意食。
摩卡蛋糕 - 淡淡咖啡味, 蛋糕本身好綿, 我唔太鍾意食甜點都追住食。
柚子芝士蛋糕 - 本身芝士蛋糕係比較漏O既, 但加咗柚子, 成件事清新晒! 好味!
呢2 個蛋糕作為老公生日飯O既結尾, 圓滿。
摩卡蛋糕及柚子芝士蛋糕
21 views
0 likes
0 comments
森美餐廳O既食物依然KEEP 到水準, 而員工方面, 唔見咗之前有個態度一般O既員工, 而家每個員工態度都好好!
Post
