村爺爺龍蝦湯.泡飯.燉湯專家

Open Now

Now Closed

琴日放工去接老公收工 , 佢話好想食村爺爺 , 上次佢帶我去食 , 排隊等左近半個鐘 , 仲要搭枱坐添 , 老公介紹我食花膠雞燉翅飯餐  , 半隻雞(成件)上枱  , 雖然有手套提供 , 但坐位空間有限 , 2隻手撕開雞件比較狼狽 , 老公梗係要出手相助架啦 , 但用力都要技巧 , 有幾下"扯開"既動作差D整到對面食客 , 所以老公話想去食, 我話食雞既要佢幫我撕雞 , 不過今次我見有日式咖哩飯 , 我唔食得辣 , 日式咖哩基本唔辣既 , 所以我食呢個黃油飯餐 , 我個飯黎到我添少少咖哩汁比老公試味 , 我大安旨意想撈汁落晒飯時 , 老公叫我停手 , 話個汁幾辣下 , 我試左一少啖就覺得幾哽 , 老公叫店員比個甜豉油我 , 我就當食煲仔飯咁....其實有紅蘿蔔同薯仔 , 但部份浸住咖哩汁 , 我唯有唔食果部份啦 , 不過都夠晒飽LU