黃氏餐廳

Open Now

Now Closed

黃氏位於土瓜灣的老店，早餐時段去到11:30，都算起身晏也有早餐食。早餐，＄30，包一碗一餸麵，另外兩餸就跟餐飽及熱飲。今次叫咗五香肉丁公仔麵，如果要出前一丁好似加3蚊。公仔麵煮得不錯，不會太淋，麵到桌時等一等，就剛剛好。如果即時食，我就覺得有小小硬。麵包，太多牛油在內，我多數來到會用餐具撥走才食。腸及蛋，跟正常餐廳水準，沒什麼問題。飲品，奶茶幾好，但未去到好好。正正常常的奶茶。如果叫凍檸檬茶或奶茶咖啡走甜，就要小心啲。冇糖的茶好濃好濃，餐廳唔知點解永遠都唔溝水開淡佢，太濃的茶對身體不好，勿叫啊。