Video
Read full review
2017-06-10
362 views
一坐低即刻一人一盅燉湯，個湯係老黃瓜燉唐排湯，老黃瓜湯真係好耐無飲過喇，難得個湯夠哂火候，係名副其實嘅老火靚湯，飲完又唔會覺口乾喎，好明顯係無落到味精嘅，啖啖都飲得出燉湯嘅鮮甜味道。美國桶蠔，作為配給嘅項目，呢度嘅桶蠔無論質同量都十分之高，件頭大隻之餘，蠔身重好 juicy，餐廳用咗少少粉絲落去同啲蠔一齊蒸，啲粉絲索哂啲蠔味，絕不比主角遜色。蘇格蘭蟶子皇，隻隻都巨大到無朋友，目測連埋殼有成呎長，唔止中間嘅肉身爽滑鮮甜，蒸嘅時間掌握得好，就連裙邊都十分之爽脆。貝殼盛盆，估唔到連感覺上比較下欄嘅蜆嘅質素都相當之上乘，蜆肉飽滿無沙，海水味仲勁過隻蠔，大細啱啱好，咁肉質就唔會靭啦。百花釀花菇，花菇嘅菇味香濃，喺上面釀滿飽滿嘅魚肉， 魚肉經過適當嘅調味，同隻花菇成為絕配。手切和牛粒，手切和牛粒嘅牛味要比起手切和牛肉嚟得強烈，和牛粒比較優勝嘅地方係比較容易掌握到個熟嘅程度，和牛肉基本上一放入去蒸經已即刻熟哂，但係和牛粒就可以控制住佢喺 medium-rare 嘅程度，嫩滑 juicy 好多架。瑤柱鮮淮山粥，來到終結的一剎，飲埋嗰集百家之大成嘅粥底，海鮮嘅鮮甜，和牛嘅肥美，就連花菇嘅香味都結集哂喺個
一坐低即刻一人一盅燉湯，個湯係老黃瓜燉唐排湯，老黃瓜湯真係好耐無飲過喇，難得個湯夠哂火候，係名副其實嘅老火靚湯，飲完又唔會覺口乾喎，好明顯係無落到味精嘅，啖啖都飲得出燉湯嘅鮮甜味道。
美國桶蠔，作為配給嘅項目，呢度嘅桶蠔無論質同量都十分之高，件頭大隻之餘，蠔身重好 juicy，餐廳用咗少少粉絲落去同啲蠔一齊蒸，啲粉絲索哂啲蠔味，絕不比主角遜色。
蘇格蘭蟶子皇，隻隻都巨大到無朋友，目測連埋殼有成呎長，唔止中間嘅肉身爽滑鮮甜，蒸嘅時間掌握得好，就連裙邊都十分之爽脆。
貝殼盛盆，估唔到連感覺上比較下欄嘅蜆嘅質素都相當之上乘，蜆肉飽滿無沙，海水味仲勁過隻蠔，大細啱啱好，咁肉質就唔會靭啦。
百花釀花菇，花菇嘅菇味香濃，喺上面釀滿飽滿嘅魚肉， 魚肉經過適當嘅調味，同隻花菇成為絕配。
手切和牛粒，手切和牛粒嘅牛味要比起手切和牛肉嚟得強烈，和牛粒比較優勝嘅地方係比較容易掌握到個熟嘅程度，和牛肉基本上一放入去蒸經已即刻熟哂，但係和牛粒就可以控制住佢喺 medium-rare 嘅程度，嫩滑 juicy 好多架。
瑤柱鮮淮山粥，來到終結的一剎，飲埋嗰集百家之大成嘅粥底，海鮮嘅鮮甜，和牛嘅肥美，就連花菇嘅香味都結集哂喺個粥底入面，再加埋煲到綿一綿嘅粥底，嗰隻驚喜交集嘅感覺真係令人難以忘懷。
呢度啤酒任飲又有新鮮嘅靚海鮮食，埋單每人都只不過係三百零蚊，不過最重要係老友暢聚，開心無價。
Post
