新泉發潮州飯店 (Closed)

第一次黎依間店，地方果然夠麻甩，不過咁先夠地道風味。如女士們或中意好乾淨或舒適的地方，此店未必會係你杯茶喇，此店主打係平靚正同麻甩。今晚消費連啤酒共320，無訂位，但去到都唔洗等，好運。叫咗鹵水鵝，佢地上咗碟鵝脾，夠肥美又滑。鵝腸墨魚合格，唔會過火同嚡。蠔餅幾好食蠔都幾大粒，全晚唯一遺憾，反而係個湯，胡椒味唔夠，不過以依個價格，我已十分滿意了。