新斗記 (Moved) New Location

尋日同老友兼舊同事出油麻地飲茶，去咗兩三間都執咗笠，見有間有開，於是抱著一試無妨的心態，大約12點左右上到去，午茶居然唔駛等位，入到去人唔算多（約1/3），職員都好積極，（A職員問飲咩茶去開茶，又有B職員又問飲咩茶），食完職員都好快收走碗碟唔好積晒啲碗碟喺枱上，服務態度雖好，但亦有一點 需要改善，就係點餐時點咗兩個「甜品」（薑汁糕及燉蛋）居然最快上，食完其他食物，到食甜品時啲甜品都凍晒，如果改善埋會更好。另外叉燒飽爆汁值得推介題外話用餐期間見到一個怪現象，一家三口兩個大人加一個小朋友居然要分兩枱，分枱的方法是兩張枱中間加一個透明易拉架！