Crumbs (Closed)

話說同朋友sss食完飯時間尚早（九點半）梗係要轉下場傾多陣計。沿路搵甜品店之時突然想食crumbs! 記得銅鑼灣間crumbs 係樓上cafe形式，今次去到原址發現轉返地鋪形式，不過仲有吧枱可以坐低食，三個人都方便坐低抖下傾下計，一於照食唔洗搵其他甜品店了！老老實實，價錢無咩大加價，仍然有各種水果選擇，我要左個Super Size， 配料梗係要佢最出名的綠茶糯米糍同house crumbs，再加士多啤梨！佢既乳酪雪糕除左原味仲會有一隻特別味，今次我試左藍莓芝士味啦！中間藍色呢杯就係我個杯了！同以前一樣乳酪倒至一半會落部份配料，臨尾再落餘下的配料，咁就唔會要食晒d配料先食到乳酪了！好窩心的安排!藍莓芝士味乳酪顏色雖然很像藍精靈😝，其實味道很清淡，只是比原味多了點輕微的芝士香味，同其他配料都好夾！雖然係乳酪，但其實份量咁足料，食晒成杯真係好飽！下次食Regular就夠了！