Video
Read full review
2024-08-07
396 views
天氣又濕又悶又熱。又通宵睇奧運！今晚都係唔好煮嘢食啦。買外賣返屋企啦。行過呢間舖頭見到一直都有街坊入去買嘢食，心諗街坊都揀得應該都唔差。而且好耐冇食過滷水野啦。見到佢門口有滷水鵝非常之吸引，所以就幫襯佢啦。而家買全日九折添，真係好抵呀！嗌咗個拼盤，拼盤就係因為心多嘅人，樣樣嘢都想食，所以啱晒我哋啦！一家幾口，拼盤每樣一塊兩塊係非常之好嘅選擇。而我同屋企人都係鵝肝迷，所以另外叫師傅再切多一兜先。之後見到佢嘅酸菜同埋菜脯亦都包裝得好靚，亦都好吸引，忍唔住買咗幾盒返屋企慢慢食，有陣時送下飯，送下麵，喺呢啲炎熱嘅天氣裏面真係一絕啊。等佢切緊嘅期間，見到啲剪報。原來呢間滷肉店已經有好多年歷史已經做到第三代，唔怪得知咁多街坊幫襯，而且老闆就係裏面嘅師傅。佢非常之Nice會解釋邊啲地方又會問你想食乜嘢部位。舖頭乾淨，企理，等外賣嘅時候都等得好舒服。拎到返屋企即刻打開嚟睇吓。原來滷水鵝片好腍，滷水味超香，而且唔係死鹹死實味係淡淡嘅滷水香味，而且係食到肉汁㗎。鵝肝點返滷水汁又香又滑送飯一流，另一吸引嘅地方就係鵝腸，好爽口。而且係索索聲，滷水物品一定係考功夫㗎啦，因為滷得太耐所有嘢都會霉晒，唔好食。而呢間
又通宵睇奧運！
今晚都係唔好煮嘢食啦。買外賣返屋企啦。
行過呢間舖頭見到一直都有街坊入去買嘢食，心諗街坊都揀得應該都唔差。
而且好耐冇食過滷水野啦。
見到佢門口有滷水鵝非常之吸引，所以就幫襯佢啦。
而家買全日九折添，真係好抵呀！
嗌咗個拼盤，拼盤就係因為心多嘅人，樣樣嘢都想食，所以啱晒我哋啦！一家幾口，拼盤每樣一塊兩塊係非常之好嘅選擇。
而我同屋企人都係鵝肝迷，所以另外叫師傅再切多一兜先。
之後見到佢嘅酸菜同埋菜脯亦都包裝得好靚，亦都好吸引，忍唔住買咗幾盒返屋企慢慢食，有陣時送下飯，送下麵，喺呢啲炎熱嘅天氣裏面真係一絕啊。
等佢切緊嘅期間，見到啲剪報。
原來呢間滷肉店已經有好多年歷史已經做到第三代，唔怪得知咁多街坊幫襯，而且老闆就係裏面嘅師傅。佢非常之Nice會解釋邊啲地方又會問你想食乜嘢部位。
舖頭乾淨，企理，等外賣嘅時候都等得好舒服。
拎到返屋企即刻打開嚟睇吓。原來滷水鵝片好腍，滷水味超香，而且唔係死鹹死實味係淡淡嘅滷水香味，而且係食到肉汁㗎。
鵝肝點返滷水汁又香又滑送飯一流，另一吸引嘅地方就係鵝腸，好爽口。而且係索索聲，滷水物品一定係考功夫㗎啦，因為滷得太耐所有嘢都會霉晒，唔好食。
而呢間滷水舖頭一定係有咁上下功夫先做到外邊滲入滷水味裏面香軟軟滑。連下便嘅滑豆腐都老到啱啱好。
一盒拼盤好快就食晒。好彩另外嗌咗盒鵝肝自私食。
所以呢間滷水店十分之推介。
Post
