Video
Read full review
2017-05-24
2753 views
之前去過另一間以肉餅為題嘅食店，感覺唔係太滿意，有唔少朋友推介我地去屏山老地方試下佢地嘅肉餅。週六趁住假期同男朋友去左一試，我地坐車去到西鐵站再轉輕鐵去坑尾村，落左車向前行，大概幾分鐘就到，都唔難搵。本來都有擔心早前電視節目介紹過，會唔會好多人，可能是日落住大雨，加上接近3pm，雖有唔少客人，但並唔需要等位。佢地有兩個鋪位，座位都算多，而且普遍食客都唔會逗留好耐，翻桌快，即使要等，相信都唔會好長時間。離開嘅時候，就有幾位客人等位。老地方冇乜裝潢可言，坐邊都係由店員安排，但都整齊乾淨。老地方供應接近50款煎肉餅，定價 $40-$60，當中大部分用左好多中菜嘅概念融合肉餅中，例如：魚香茄子絲煎肉餅飯、XO醬涼瓜煎肉餅、薑蔥雞粒肉餅等。另外有部分比較特別啲嘅有蒙古辣孜然牛肉煎肉餅、馬拉盞鱆魚煎肉餅等，唔少得仲有我地未敢挑戰嘅芒果煎肉餅、榴槤煎肉餅…選擇相當豐富，而且價錢唔算貴。除左肉餅，佢地仲供應麵食、漢堡、各式小食。我地都係保守啲，決定點穩陣口味。落單後，大約十分鐘就上菜。六重芝士煎肉餅飯 $60肉餅飯賣相好吸引，造型有少少似漢堡，兩塊肉餅夾住芝士，見得到芝士係剛剛溶開不久，起碼感覺到係即
週六趁住假期同男朋友去左一試，我地坐車去到西鐵站再轉輕鐵去坑尾村，落左車向前行，大概幾分鐘就到，都唔難搵。
本來都有擔心早前電視節目介紹過，會唔會好多人，可能是日落住大雨，加上接近3pm，雖有唔少客人，但並唔需要等位。
佢地有兩個鋪位，座位都算多，而且普遍食客都唔會逗留好耐，翻桌快，即使要等，相信都唔會好長時間。
離開嘅時候，就有幾位客人等位。老地方冇乜裝潢可言，坐邊都係由店員安排，但都整齊乾淨。
老地方供應接近50款煎肉餅，定價 $40-$60，當中大部分用左好多中菜嘅概念融合肉餅中，例如：魚香茄子絲煎肉餅飯、XO醬涼瓜煎肉餅、薑蔥雞粒肉餅等。另外有部分比較特別啲嘅有蒙古辣孜然牛肉煎肉餅、馬拉盞鱆魚煎肉餅等，唔少得仲有我地未敢挑戰嘅芒果煎肉餅、榴槤煎肉餅…
選擇相當豐富，而且價錢唔算貴。
除左肉餅，佢地仲供應麵食、漢堡、各式小食。
我地都係保守啲，決定點穩陣口味。落單後，大約十分鐘就上菜。
六重芝士煎肉餅飯 $60
肉餅飯賣相好吸引，造型有少少似漢堡，兩塊肉餅夾住芝士，見得到芝士係剛剛溶開不久，起碼感覺到係即時煎起。
六重芝士煎肉餅飯
$60
169 views
0 likes
0 comments
六重芝士煎肉餅飯
$60
49 views
1 likes
0 comments
打開面頭嗰塊肉餅，仲會見到拉絲效果。
肉餅厚身，煎得香口，面頭脆脆地，肥瘦適中，肉質有口感，保持彈性，略油。至於人地係咪手打我就唔清楚，但起碼食落唔會爛溶溶
而且芝士處於半溶狀態，味道香濃，啖啖都食到，幾多重芝士都係個名黎啫。
飯嘅份量略少，扒下扒下我都食哂。
咸魚煎肉餅 $40
另一款點左比較大眾化嘅咸魚煎肉餅，有時聽落簡單嘅野反而係愈能體現一間食店嘅功力。
咸魚煎肉餅煎得較乾身，但唔會感覺油膩，明顯能夠聞到咸魚香味
咸魚煎肉餅
$40
42 views
0 likes
0 comments
肉餅入口香脆，咸魚蓉混合於肉餅中，第一啖感覺唔算強烈，但咀嚼過後，就慢慢感覺到咸魚香，唔會太鹹，送飯一流。
但男朋友就覺得飯嘅份量唔多夠。
咸魚煎肉餅
$40
17 views
0 likes
0 comments
檸檬可樂 $13（配售價）
檸檬可樂
$13
14 views
0 likes
0 comments
蜂蜜蘋果茶 $13（配售價）
味道普通，蜂蜜味、蘋果味唔明顯。
蜂蜜蘋果茶
$13
44 views
0 likes
0 comments
整體而言，屏山老地方嘅煎肉餅無論喺口感、味道都屬水準之上，各款口味都係將食材混入肉餅中，煎起新鮮熱辣，此為有誠意。
而非靠醬汁調味或者將配料撻喺肉餅面頭做成多種口味嘅錯覺，加上價錢唔貴，值得一試，亦有意欲再回頭試試其他口味
呢度雖然都幾繁忙，客人川流不息，但店員態度都算係咁，要調位都好聲好氣，俾錢都俾得順氣啲。
當然我地今次有幸唔需要等候就能入座，覺得今次專登過去都滿意。
餐牌：
Post
