金記冰室 (Closed)

好開心進入荃灣一間茶餐廳，有老夫子同大蕃薯歡迎我地，話說係楊屋道買完餸，有點肚餓我同友人兩個等朋友車，所以襯還有時間食個快餐，樓下提供新鮮出爐麵包，再上幾層先到餐廳，環境裝修有懷舊感覺，簡單午餐叫左佢地推介的金牌乾炒鮮牛河同無冰凍奶茶，朋友選擇左沙爹牛肉麵跟火腿庵列厚多士。可愛老夫子漫畫紙牌公仔迎賓每層也有自己嘅特色。上到餐廳安排我地坐底，menu插晒係枱面供客人選擇食什麼。比我見到呢個牛河巧吸引，所就決定試試佢。凍奶茶 味道已調到最完美，無冰夠凍無得自選甜度，不過試飲後覺得唔錯喎，唔會過甜，味道茶香有緻同順喉香滑。基本功火腿庵列跟普通餐廳食嘅味道同一般差不多。多士就唔夠脆。沙爹牛肉麵，牛肉軟淋帶香濃沙爹配公仔麵都非常惹味。用上鮮牛肉夠鑊氣熱辣辣，調味色澤剛好，每條河粉都均勻顏色，望到都好有信心。