Day and Nite by Master Kama (Closed)

老婆鍾意食龍蝦, 呢間餐廳係佢留意咗好耐, 親自揀選嘅, 咁就最好喇, 一定冇投訴。預早訂定位。 一切順利, 餐廳畀咗一個最盡頭嘅檯畀我哋, 食都食得舒服啲。餐牌設計有趣、 吸引、選擇夠多。點選咗個, 龍蝦芝士龍蝦湯手打烏冬, 配料有日式叉燒及糖心蛋。依個陣容, 其實已經好飽。好味!然後重點必食推介, 就係龍蝦匯: 內容有烤蒜蓉龍蝦、龍蝦包、及石頭龍蝦湯鍋跟飯。 賣相吸引, 味道超級正! 啲食物嚟得太多太快, 食唔切, 特別係個石頭龍蝦鍋跟飯, 食唔切, 最後啲飯吸曬啲湯, 但都係好味嘅。下次要醒目, 會叫個飯遲啲上。當初怕唔夠食, 叫多個小食拼盤。真係好多, 我哋盡量食得幾多得幾多但真係超好食, 沙律新鮮, 雞翼、薯條、薄餅、春捲都好好味。食食下叫多一杯招牌特飲 unicorn dream, 畀我老婆。賣相得意特別, 最啱影相打卡用。味道就...一般般啦。總括而言, 依間餐廳係會再encore, 我會再嚟幫襯。各方面都非常滿意。