天空虎嘯

Open Now

Now Closed

老婆呢排工作好忙，返屋企仲要幫手照顧小朋友，非常辛苦，就諗住請佢去食一餐好嘅，放鬆一下👍🏻前幾日我同事話位於天后嘅天空虎嘯食物好新鮮，啱啱我老婆又好鍾意食蟹，就決定帶佢嚟呢度食。一到餐廳，老婆就好開心咁望住我，因為呢度嘅長腳蟹特別出名，而且仲好新鮮好食😋我哋都好期待要試吓啦！日式京蔥醬油配本地雞：一口咬落去就感受到雞肉滿滿嘅汁，好鮮嫩，再配上醬油，味道更佳！阿拉斯加長腳蟹：蟹肉特別新鮮，肉質滑嫩，老婆特別鍾意😘龍蝦湯蒸蛋配蟹肉：龍蝦湯真係有龍蝦🦞嘅味道，甜甜哋，再配上蒸蛋同蟹肉，只有兩個字，完美！ 芝士櫻花蝦鮑魚：我從來都唔知道櫻花蝦仲可以配搭鮑魚！櫻花蝦本身嘅營養已經好豐富，再配上鮑魚，味道更加美味🤤老婆仲一直稱讚呢味菜👍🏻我哋食得好開心，老婆仲話好耐都冇同我約會，特別感謝我今日嘅安排！