Video
Read full review
2019-10-21
1047 views
今日老媽子收工竟然話同我去食飯，來得有啲突然，平時飯都唔煮買外賣，今日竟然話同我出街食飯？一問之下原來佢同事前幾日同個女嚟咗呢間parkview 食飯，仲極力推薦我阿媽嚟食，所以今日放假同阿媽出咗嚟葵芳行街兼食晚飯😇做個孝順乖乖女。喂又真係幾靚幾高雅喎，而且開放式，感覺冇傳統西餐廳咁侷促同埋言行舉止都要溫文有禮，跌咗支叉都全場望住你嗰隻。不過呢度唔同，正好佢開放式，阿媽講嘢大聲啲都唔怕🤣食個飯都放鬆啲😙望吓餐牌先，餐廳有二人套餐選擇，不過阿媽同我都係鍾意食澱粉質多啲，套餐大部份都係以扒類為主食，在配搭一款意粉或者意大利飯，俾大家參考下:我哋今次就冇叫到二人餐，選擇咗一個意大利飯同埋一個意大利粉。我就揀咗炸香蔥Parma ham Carbonara,我最愛卡邦尼😍而阿媽就揀咗北海道帶子野菌南瓜意大利飯，然後我哋兩個主食都加咗$68升級套餐，一個就跟煙三文魚沙律，另一個就跟龍蝦忌廉酥皮湯。登登登登，龍蝦忌廉酥皮湯同麵包嚟咗啦，餐包熱辣辣勁軟熟，好特別包上面有少少糖霜，配埋有鹽牛油，鹹鹹甜甜咁好好味！龍蝦忌廉湯個酥皮勁脆！啲龍蝦湯好濃郁，質感濃稠，啖啖充滿鮮味！尤其是酥皮焗得鬆脆可口，配埋個
喂又真係幾靚幾高雅喎，而且開放式，感覺冇傳統西餐廳咁侷促同埋言行舉止都要溫文有禮，跌咗支叉都全場望住你嗰隻。不過呢度唔同，正好佢開放式，阿媽講嘢大聲啲都唔怕🤣食個飯都放鬆啲😙
望吓餐牌先，餐廳有二人套餐選擇，不過阿媽同我都係鍾意食澱粉質多啲，套餐大部份都係以扒類為主食，在配搭一款意粉或者意大利飯，俾大家參考下:
我哋今次就冇叫到二人餐，選擇咗一個意大利飯同埋一個意大利粉。
我就揀咗炸香蔥Parma ham Carbonara,我最愛卡邦尼😍
而阿媽就揀咗北海道帶子野菌南瓜意大利飯，然後我哋兩個主食都加咗$68升級套餐，
一個就跟煙三文魚沙律，另一個就跟龍蝦忌廉酥皮湯。
登登登登，龍蝦忌廉酥皮湯同麵包嚟咗啦，餐包熱辣辣勁軟熟，好特別包上面有少少糖霜，配埋有鹽牛油，鹹鹹甜甜咁好好味！
龍蝦忌廉湯個酥皮勁脆！啲龍蝦湯好濃郁，質感濃稠，啖啖充滿鮮味！
尤其是酥皮焗得鬆脆可口，配埋個湯一齊食，特別正！
煙三文魚Caesar salad,好貼心個醬分開上！事關怕肥嘅女人唔想食沙律醬😅d菜好新鮮,煙三文魚既有煙熏香味，又保留左魚既豐腴嫩滑，就咁落返啲檸檬汁就已經好好食。👍🏻
My favourite carbonara岀場喇！勁creamy好鬼正呀喂！而且佢仲有埋Parma ham 係上面嫁！好少見餐廳咁落本，個意粉只係$98，有埋ham 仲有大糧煙肉同菇菇，份量仲要唔細份喎，簡直係超抵食啦！香濃芝士味加埋鹹香Parma ham簡直係絕配！最大特色係佢用炸香蔥取代咗洋蔥，別具特色，香味更突出，為整個意粉增添層次感，食極都唔會厭！
呢個就係北海道帶子野菌南瓜意大利飯，南瓜煮熟後口感軟綿綿，而且帶有甜味最適合加入意大利飯，代替淡忌廉令入口更濃厚！
帶子肉厚味甜，好有彈性，飯粒有嚼勁，不過趁熱食會更香更美味，今次第一次食呢個意大利飯先知原來帶子同南瓜係咁夾嘅🤘🏻
甜品時間到！朱古力雪糕，雖然冇乜特別，不過都要影張相😝阿媽果然冇介紹錯，佢呢啲港媽又鍾意影相又鍾意explode又鍾意食嘢又鍾意shopping ，呢度岩曬佢，行完街買完野就過嚟嘆番個美味西餐，good !
Post
