老媽拌麵 (屯門市廣場1期) (Closed)

今日行屯門市廣場，之前見到老媽拌麵經常要排隊，難得今日唔使排隊當然要一試啦！有好多種可以選擇，又有小食又有台式飲品。老媽黑糖珍珠鮮奶，珍珠好煙韌又軟熟，珍珠又好香黑糖又夠甜，撈勻鮮奶一起飲好香又夠甜珍珠又煙韌好好味。清燉三寶牛肉麵有牛腱，牛筋，牛肚，牛腱好厚肉質又夠嫩，牛筋又大大塊又夠淋，牛肚又唔韌全部好入味，粗麵條又有咬口，湯底又清淡又好好飲好鮮甜，又有紅白蘿蔔和一些菇好好味。澎湖花枝丸，炸到金黃色花枝丸又好彈牙又香，沾上醬汁更加美味可口。酥炸甜不辣炸到好煙韌又香口。台腸香腸又幾香又啖啖肉唔會好肥又唔會太咸。