Mother of Pizzas

Open Now

Now Closed

🍕😋🍕😋🍕😋鍾意食 Pizza 嘅我估都會聽過 Mother of Pizzas ，而我雖然唔算特別鍾意，但黎開銅鑼灣，又見咁耐冇食 Pizza ，一於試下佢！等候：呢度我估除左 Pizza 大件出名外，佢嘅等候時間亦出哂名咁耐... 我哋星期六晚大约8：15去到，都要9：15先正式入到去坐低，而之前成個鐘都只可以係門口排隊，冇得拎飛仔行下街等。不過等候過程職員有派下可樂，又有大風扇吹下，排到去第一二位餐廳門口仲有部街機比客玩，可以免費打下街霸，總好過乜都冇。但係如果有得拎飛相信會好好多！餐廳環境：地方都算大，主要而陰暗嘅格調做主題！食物：我估入到黎唔洗多講，都係食 Pizza 架啦，但通常食 Pizza 都會比較單一，得一種味，但呢度你可以以一個價錢一塊 Pizza 食兩種味，一次滿足你兩個願望，真心贊！今次我就試左超級撒亞人肉腸同埋愛的夏天1967兩種味，個人比較鍾意愛的夏天1967，認為口味層次較多，加埋菠蘿仲帶出一種清新感覺。餐牌：主要以 Pizza 為主，但都有沙律同意粉可以叫，餐廳仲有唔少啤酒可以揀。