金船長餐廳 (Closed)

同男朋友係旺角行完街，又唔想係旺角同人迫食飯，就決定行過去大角咀食一向出名高質素西餐的金船長。我地坐低既時間都未夠七點，店入面仲係冇咩人，但七點打後就坐到八九成滿啦。首先點左個蟹肉素魚翅南瓜湯，南瓜湯好香甜，仲有大量的素魚翅，好有驚喜，真心推介鵝肝蘋果沙拉，大大塊鵝肝配上卜卜脆的多士，鵝肝非常香濃，正當然唔少得店主推介的得獎黑松露pizza, 外皮烤得十分香脆，黑松露醬加上大量芝士味道十分配合，令人食完一件又一件，唔怪得成為呢間餐廳的鎮店之寶小食拼盤有芝士魚餅、炸魷魚圈、烤青口及燒雞亦，樣樣都冇令人失望老虎蝦拼凡立貝天使面，老虎蝦同凡立貝都好彈牙同新鮮，一食就知一定唔係雪藏野，天使面用左南瓜汁，好好食黑松露什菌意大利飯，黑松露醬好香濃好入味！飯粒軟硬剛好，讚最後甜品時間叫左個心太軟，外面香脆裡面流心，為呢餐豐富滿足的晚餐畫上完美句號