鮨文 (Closed)

老字號既omakase，黃埔分店都開左一段時間，鑒於疫情關係唯有lunch黎食啦，仲要抵過晚市好多.午市set包左白飯魚茶碗蒸、12貫壽司、手卷、湯、甜品，壽司由淡至濃味，開首第一件有灑上柚子皮既真鯛、帆立貝、赤蝦、左口魚、目張、祭燒深海池魚、三文魚子、吞拿魚面頰、海膽、穴子、右口魚邊手卷.上台前師傅仲輕輕拍打帆立貝等佢自然縮起，口感更結實彈牙；當中三文魚子最有驚喜，由鮨文自家醃製，咬落去果下口腔完全感受到醬油加埋魚子既鮮甜鹹香味；右口魚邊炙燒過後將油脂逼哂出黎，肉質較左口魚滑溜，為此餐畫下完美句號