上海香港麵家

Open Now

Now Closed

呢間位於銅鑼灣閙市的上海菜，或者經常行過都未必留意到，因為門面似普通茶餐廳，但卻是一間歷史悠久的上海菜老字號。基本上每次到銅鑼灣都會拜訪。價錢親民，味道OK，平靚正！咸粢飯必食之選，暖粒粒的咸粢飯，包住肉鬆、油炸鬼同榨菜，糯米飯煙煙韌韌，飽肚又好味。咸豆漿咸咸地、酸酸地的口感，配料有油炸鬼、榨菜、？蝦毛同攪爛的豆花，愈食愈開胃，又唔會太咸，幾特別。小龍包熱辣辣的小龍包，肉嫩多汁，皮簿餡靚。而且頂部咬落唔會好硬好麵粉，係軟淋淋的。凍豆腐花凍食來講都夠滑，反而豆味好似唔夠濃。