中國冰室 (Closed)

話說某日去開旺角街市，行開側邊時發現到一間好old School嘅冰室， 原來就係傳說中成日拍戲嘅中國冰室！下午茶時間入到去人唔多，坐低之後望一望，有最低消費，😂可能又真係太多人會齋坐唔食！ 內裏都係好老字號feel， 舊式地板牆壁，懷舊風扇，真係值得入來懷緬一下。。。叫咗最傳統嘅蛋卷加凍咖啡，應該係隔兩個鋪位嘅餅店蛋卷，出奇地好食夠鬆軟，好食過連鎖餅店！咖啡味道非常好，冇酸味，平時好多茶餐廳啲咖啡都帶一浸酸味，一啲都唔好飲， 而呢杯冇咁嘅情況可以加分！西多士即炸，牛油揸上面，夠熱即溶，加埋蜜糖超好食！希望可以長做長有， 保留多啲香港傳統特色餐廳！