金鳳茶餐廳

Open Now

Now Closed

灣仔有一間老字號嘅冰室係街市入面，經過聞到淡淡嘅麵包香味，今次返工食晏見到冇乜人排隊，決定入去試吓。不過餐廳舖面唔大，枱都比較細，一個人去食都明白要搭枱，但同對面陌生人嘅距離真係幾近下，疫情期間，如果真係想試建議約埋朋友兩個嚟食。第一次光顧為咗可以試多啲嘢食，於是揀咗佢嘅特價午餐，叫左沙嗲牛肉烏冬，菠蘿包，同埋火腿奄列。一上枱望到份量，加埋大大個菠蘿包，已經覺得食唔晒。首先試咗佢嘅沙嗲牛肉，咬落去好嫩，完全冇筋，仲要煮得好濃嘅沙嗲汁，好入味。菠蘿包微熱，一咬落去個菠蘿皮碎到跌晒落嚟，而且大大個，淨係食個包都飽。