公和荳品廠

Open Now

Now Closed

好耐冇嚟幫襯過啦, 今次竟然一連兩日途經呢到, 仲一連兩次食咗個熱豆花同煎釀雙拼呢.豆花依然好滑, 好香豆味, 加埋啲碎黄糖, 滑加"索索聲", 正呀!! 至於煎釀雙拼, 豆腐好香豆味, 而且煎得o岩o岩好. 而豆卜呢, 仲好味呀, 佢先用湯煮過再煎, 所以外面脆脆哋, 一咬落去卻水份充足. 加埋都係十幾蚊埋單, 又抵又好味的一餐. p.s. 有時候聽到人哋講話啲豆花唔滑, 但其實豆花原本係滑的, 只不過大家係夏天時總是敵不過炎熱, 所以走去食凍. 其實雪凍咗啲豆花後, 係會改變咗佢個texture, 令佢唔滑, 所以大家要食真正滑豆花, 記得要食熱啦.