新羅寶韓國餐廳

Open Now

Now Closed

新羅寶係我由細就食到大嘅傳統韓國餐廳，佢哋嘅服務員都係韓國人，味道正宗不取巧，環境寬敞，唔怪得咁多年來都依然座無虛席！食韓國菜唔少得嘅當然係佢哋五花八門嘅前菜，有兩種唔同嘅泡菜，豆芽，菠菜，魚餅，醃蘿蔔等等。值得一提嘅係餐廳中庭位置，會有免費嘅食物可以供客人領取，有時候係沙律，有時候就係自家醃製嘅不同蔬菜！✨炆宮廷牛排骨（可選擇辣味）👍🏻👍🏻👍🏻曾奪得2009年「食神爭霸戰」的金獎菜式！牛排骨肥瘦分明，炆得非常軟腍，加入白蘿蔔，紅蘿蔔，年糕，紅棗等多種材料，湯汁香甜濃郁，配上附送嘅白飯，非常好味！✨烤豬肉（可選擇辣味）有兩大片嘅豬肉，份量都足夠兩個人食，肉質腍滑，用充滿蒜味嘅醬料醃製，食得出韓式嘅香甜味道，配上香菇同埋洋蔥，係席前燒烤，香氣撲鼻！✨韓式水冷麵幼細嘅蕎麥麵條，配上清涼嘅湯底，酸酸甜甜，喺炎炎夏日消暑嘅好選擇，另外配料仲有蛋，青瓜，水梨同埋醃蘿蔔，好開胃！