潮州合成甜品

Open Now

Now Closed

同同事打完邊爐就黎食糖水，見到呢間好傳統既糖水舖好似幾出名，仲幾多人所以又去試下😝。🔅芒果西米涼粉珍珠丸 ($49)呢個係同事叫既，佢話好甜😂😂！！！甜到佢食唔晒🙈。🔅腐竹意米清心丸 ($35)清心丸咬落去幾彈牙，同麻糬有啲唔同，唔錯。腐竹意米就好大路無乜特別。🔅紅豆沙清心丸 ($31)紅豆沙都唔錯，正正常常咁，唔算太甜，加埋清心丸就幾有口感幾新奇。💬平時比較少食甜品，一係就食芋圓😂，久唔久試下傳統老字號又唔錯，仲好大鄉里試左清心丸😝。係坐得逼左少少，但都唔算貴，未試過可以試下。