坤記煲仔小菜 (Moved) New Location

呢間鋪頭算係煲仔飯既老字號，早有耳聞，今日收工特登過黎一試。我地七點左右黎到，唔駛排隊，但店內已經坐滿哂。不愧係老店，人氣並冇受疫情拖累。煲仔飯即叫即整，上菜速度唔算慢。等左20分鐘，我地兩份熱辣辣既煲仔飯就出來啦。一個窩蛋牛肉飯，一個排骨臘味飯，私心來講我鍾意窩蛋牛肉飯多啲，牛肉醬香入味，蛋撈飯好正，滑滑既口感，加埋飯焦，冇得輸！排骨飯都好食，但係因為臘腸臘肉風味一般，所以扣左少少分。值得一提既係佢間既米飯，入口軟諗十分好味😋。最後埋單188，兩個人食到個肚頂住頂住咁。