天下第一腩 (Closed)

上過月拜完山之後經過見到依間天下第一腩，哦原來响依個位，有印象因為之前响社交網絡有相關文章介紹過樂富有間牛雜老店會在大埔開分店，今日先知原來就係依間，成日重以為响樂富地鐵站附近，不過都係行多兩步過咗公園就見到。一座底二話不說就叫咗潮州牛腩三寶 同 牛根粗麵老字號店果然係真功夫，並非浪得虛名牛腩真係好夠淋，無炆足一日邊做到呀？好味嘅牛腩花椒、八角依啲香料又點少得吖，味道又控制得啱啱好連個湯都好好味，不過估唔到就係又老字號又好味都居然不洗排隊😬，店舖環境就一般啦，食味道啲格局， 有麝自然香就係咁㗎啦。兩碗野埋單都唔洗一百又食功夫又食好味道返尋味只係時間問題。